Miti Mânec 99:1-5

¹Wofuŋ e guriŋ bakac; ŋicne ŋicne ɋarac ɋarac qaniŋ. E kerubim faicnao ŋekacte mâreŋ e ɋiɋiteckeoc.

²Wofuŋ e Zioŋko kâcɋene jukac, e ŋicne ŋicne siric‐joparâ fekicne jukac.

³Ʒâŋege kâcɋene â bipinehec i muafeckeniŋ. E tiri moc!

⁴Wofuŋ Sâko tâpirigehec, tiŋne rune, go wiac sâckoa foocte qâzuckemeŋ. Goki Jakoborao mumutiŋ â tiŋne juju hatane basanaŋkemeŋ.

⁵Wofuŋ Anutu‐nâŋec muafeckeniŋ, eri ŋeŋe fuŋnao dunduŋ huniŋ. E tiri moc!