Psalmaro 99:1-5

¹La Eternulo reĝas, tremas la popoloj; Li sidas sur keruboj, ŝanceliĝas la tero.

²La Eternulo estas granda en Cion, Kaj Li estas alte super ĉiuj popoloj.

³Oni gloru Vian grandan kaj timindan nomon: Li estas sankta.

⁴Kaj la forton de la reĝo, kiu amas justecon, Vi fortikigis en praveco; Juĝon kaj justecon en Jakob Vi aranĝis.

⁵Altigu la Eternulon, nian Dion, Kaj kliniĝu antaŭ la benketo de Liaj piedoj: Li estas sankta.