Sam 99:1-5

¹Yawe nide King, kx myaszlzle enjrl kcng tzmatqng tztu-ngalelvzlr tron nyzde. X leplz amrlx mz nrlc tulvzo narnrcti-lzbqtr-ngrbzlr bade.

²Yawe matq-esz'ngr Jerusalem. X nzmyalz-esz'ngr-krde myaszpxle lr mrkzbleng amrlx.

³Leplz amrlx naglqlzlr drtqde, Murde nide kc tqtr-esz'ngr.

⁴King kc tqrninr, mrlz-zvzbz bam da kxmrlz. Delc nzaclve-zvz-krm nigr tqtubq-zvz-ngrde x rsakrlrngr.

⁵Nayrngzobzku mz nanyc Yawe, Mrkc tqwxbu-ngrde mz tron nyzde. Na-angioku x naglqlzku Gct rgu, Murde nide kc tqtr-esz'ngr.