Miti Mânec 76:1-9

¹Juda mâreŋko Anuture fuŋne manakicne, ʒâŋe‐ticne Israe mâreŋko bafaharekicne fokac.

²Ŋeŋe juju‐ticne Jerusalem haeo bâfuakicne, Zioŋ tikio fic hae‐ticne ŋekac.

³Irec hâcne tepe motec qazu qanʒaŋ ewec, erâ wâc sându maro â ʒikare wiac sasawa.

⁴O Anutu, go bipinehec jâmbâŋ, ɋuŋɋasaŋgezi tiki ŋeŋe sanaŋ siric‐jopakac.

⁵Hâbi hâro jaŋe mafa mateŋ jowac rokicne, jaŋe rândiŋkerâ guŋko utuckembiŋ, ʒikare ŋicsaric sasawa mejeŋic betaŋkewec.

⁶Jakobore Anutu goki hanec‐jopakutec becâsic â keretac qiriŋmâc waha fombiŋ.

⁷Jâmbomac, go hâhâwicne, kimbeŋgezi fahareme mozi gore maio sâcne domaocmu?

⁸Mumutara dâŋgezi sambâŋkonec fuame mâreŋ e bipic tatara erâ niniŋkewec.

⁹I Anutu goki mâreŋŋic ro waha âte ejarekicne jaŋe bafic‐jopacmurâ dâŋ mutarazo faharemeŋ dameŋ ira iŋuc fuawec.