SALMOS 76:1-9

¹Ipan tali Judá huan hasta nochi tali Israel nochi masehualme quiixmatij Toteco Dios para nelía hueyi.

²Itiopa eltoc ipan altepet Jerusalén. Quena, ipan tepet Sion eltoc ichaj.

³Nopona quipojpostejqui nochi tamanti ininteposhua tocualancaitacahua.

⁴¡Nopa tepeme cati eltoque ten huejcajquiya amo quipiyaj iniyejyejca quej tepet Sion quipiya!

⁵Nopa tocualancaitacahua cati más quipiyayayaj chicahualisti, quintamitacuijcuilijque. Toixpa tepejtoque mictoque. Yon se ten inijuanti ayecmo hueli quitananas imax para techtehuis.

⁶Quema ta tiToteco, cati tiiDios Jacob, tiquinajhuac nopa cahuayojme huan cati tejcotoyaj ininpani, nochi huetzque hasta talchi.

⁷¡Yeca nochi quiitaj para tahuel titemajmati! Huan amo aqui huelis quiijyohuis ijcatos moixpa quema tahuel ticualantoc.

⁸Hasta nepa ilhuicac titayolmelahua para titetatzacuiltis. Huan ni taltipacti majmajqui huan amo molini moixpa,

⁹quema timotananqui, Toteco Dios, para tiquintatzacuiltis cati quichihuaj cati amo cuali, huan para tiquinmanahuis nochi cati moechcapanohuaj ipan ni taltipacti.