Yaburina 76:1-9

¹Asafi a bɛtina, bɛti baane kuntigin xa. A xa ba kondenne ra. Sigi sariɲanxina.

²Yuda kaane Ala kolon. A xinla binyaxi Isirayila yi.

³A konna Salemi taan nin, a dɔxi Siyon Geyaan nin.

⁴A a yaxune xalimakunle yigira mɛnna nin, e nun yɛ masansan wure lefane nun e silanfanne nun e yɛngɛ so seene birin.

⁵Ala, i tan nan sɛnbɛn birin kanna ra, i nɔrɔxi dangu habadan geyane ra.

⁶Sofa wɛkilɛxine birin bata bira, e yii seene yi tongo yɛngɛni. E fa saya xixɔnla nin. Na sofa yo mi fa a yiini maxama.

⁷Yaxubaa Ala, i na falan ti xɔlɔni, soone nun soo ragine yi bira, e faxa.

⁸I tan nan magaxu, Ala. I na xɔlɔ, nde nɔɛ tiyɛ i yɛɛ ra.

⁹I to kitisa xuiin namini keli kore, yamanan muxune yi gaxu, e yi e dundu,