Sale 67

1

23

27

34

51

67

90

95

100

103

110

119

139

¹Oo Maimaituwa kwa launuwatoiyemai bi kwa kavisuvisumai, te lisimaimo kwai nuwavisu.

²Te lava matabudi dobumo em ḡowana sa sibe, bi dam matabudi sa sibe te tam luvana kwai yawasanidi.

³Taunana aubaina lava matabudi Maimaituwa sa kasaḡesaḡem, lava matabudi kaka sa kasaḡesaḡem

⁴Bi lava matabudi dobumo ma yasisidi sa sale, banina tam dobu taulaididimana, bi lava matabudi kwa labelabe kauwedi.

⁵Taunana aubaina dobu matabuna Maimaituwa sa kasaḡesaḡem, lava matabudi Bada sa kasaḡesaḡem.

⁶Mba mainana kaka doḡa yai maula kauwa, bi ema Maimaituwa mwali visuvisudi ya vitemai.

⁷Giukauwa te Maimaituwa kaka ya kavisuvisumai, bi lava matabudi dobumo kaka sa lauduneye.