Text copied!
CopyCompare
Qaraaka Uva Tivatora - Ihi

Ihi 67

Help us?
Click on verse(s) to share them!
1Mpo Kotio, tinavu aaqurihama timitehara koqema timitaane. Are koqe viri vatehara tinavu quahama timitaane.
2Are tinavu Isareri mintimakera koqema timitairamanta, ekaa naato vatanaaka ai koqe okara kankomake tave, are vaiinti nahenti ruaruama nimite vaina okararavata kankomake tavaate.
3Kotio, are qaqi kairamanta vo vatanaa vo vatanaaka ai autuqai tuaheraqi vuate. Are qaqi kairamanta ekaa naato vatanaaka ai autuqai tuaheraqi vuate.
4Are avuqavuqama kera vo vatanaa vo vatanaakaqaa raqikihara koqe aaraqai vika numiqe variaravara tira, are qaqi kairamanta vika quaheha ihi tivaqi vuate.
5Kotio, are qaqi kairamanta vo vatanaa vo vatanaaka ai autuqai tuaheraqi vuate. Are qaqi kairamanta ekaa naato vatanaaka ai autuqai tuaheraqi vuate, turo.
6Kotiva tinavu Variqavano tinavu koqema timite vaivarora tiro, tinavu vataqihairo koqe kara qampiqaimanta tenavu airi kara qantuke vare vaunara.
7Mpo, Kotiva tinavu koqema timitaqi vuarire. Mpo, ekaa naato vatanaaka Kotira aatuqai qeteha variqi vuate.