Miti Mânec 16:7-11

⁷Wofuŋ, dâŋ mu henunuc enareekac, e muafeckekopac, ŋafeo buhândâŋ‐nanezi wâc mu qâmoc enareekac.

⁸No Wofuŋ maŋzi fârepe mai‐naneo domahuc juekac, e fâre‐naneo domaha biric boroc mi epemu.

⁹Irec bunane biaŋkeme maŋzi mu ʒeri ekopac, erâ sahac‐nanezi wâc sâcne ŋec foc eocmu.

¹⁰Go qaisocnutec hâmoc haeo mi ʒâziŋkepemu, â tiriŋicge behetec gârecke ʒaŋ mi eocmu.

¹¹Go jujure hata nowatuekomec; go hâcne juekicko bubiaŋ guru fufusuc fokac, mefâregao aŋac bajukic i mi tatarane.