A Umana Kakailai 16:7-11

⁷Ina pite pa ra Luluai, nina i tar tovo iau; Maia pa, a balagu i tar vateten iau ta ra marum.

⁸Ra Luluai i tur vatikai ta ra luaina matagu, Pa ina takari, tago i tur ta ra papar a limagu tuna.

⁹Kari a balagu i ga, ma ra tulungeagu i gugu; A pakagu bula na ki bulu.

¹⁰Tago pa una nur tar ra tulungeagu tai ra ruarua na tulungen, Ma pa una tul tar kaum tena lotu upi na nunure ra mareng na minat.

¹¹Una ga vateten iau ta ra nga na nilaun; I ngala mat ra gugu ta ra luaina matam, Ma ra gina ba pa na mutu i tur ta ra limam tuna.