Buka Linge 16:7-11

⁷Inau ku holoutoa Lord na pukuna te uhuliu mi tana bongi ghua na tobagu te taraiu.

⁸Inau tu ghilalaa a Lord te kabu haia itagua. Ku tangomana na aleale, na pukuna gaia tana lilighigu.

⁹Ku mua nia hava na tobagu te vonughia na togotogo mana rivurivu, mana mangagu te nia ghu na holohabaana. Na huligu te aheahe tana mabo.

¹⁰Na pukuna ko mua tangomana ge ko sania na tarungagu itadira tara mate, mo ko mua lubatia a nimua na puku ni tinoni lutu tabu ke sele tana gilu ni mate.

¹¹Ighoe ko tuhua vaniu na halautu te huliu va tana vola, me ke ghaha koluu ke me ke vonughiu haia na togotogo, mana na rivurivu haia kasila.