Sam keil 16:7-11

⁷Ahi Asuv, namasmasuk ven korie minau asa numoni. Ka, en vongien emun, nalei kilea sise koa mal.

⁸Ahi Asuv, lises nalinguk mulamun enau; veni koro vesesal, tounah tovuol vasak kulul inau.

⁹Sakini, nasi nau mok, tinok vilelau en sien, ka metauen tovuol enau,

¹⁰veni kokur koe nau ran keihoen ten matien. Lises namum vasi umen koa kosani minau, sakini, konaseseintei nau nihas en out ten matien.

¹¹Kitie minau sise ten moulien. Nalonge tahos imok ven koro ral minau. Vesesal venuk, sien mul lisenges.