Miti Mânec 148:3-14

³Mosa ʒoaŋ, ŋohe muteŋkeniŋ, bâpiŋ tamaeŋgopieŋ sasawa, ŋoŋe muteŋkeniŋ.

⁴Sambâŋte sambâŋ, go muteŋkec, sawao opâ fokic, go muteŋkec.

⁵Jaŋe Wofuŋte ʒâŋe muteŋkeniŋ, eki hâcne mume fuambiŋ.

⁶Eki hâcne ŋeŋe sanaŋ ŋeniŋte râec‐jopawec; eki aka hejarewec i mi huhuckene.

⁷Mâreŋkonec ŋoŋe Wofuŋ muteŋkeniŋ: Hâwecte oâ sâko â hâwec ʒâkâŋ sasawa ŋoŋe;

⁸ʒoc â aisi hândâŋ, sinou â hâweŋ, erâ mâŋâŋ micticne reŋkeekic go;

⁹tiki â mâreŋ facne sasawa, jâc hândâŋnehec â jâmâzâc sasawa;

¹⁰qowi sasawa, kâteo â haeo, homa gisic â wipe fakec‐ŋeŋichec;

¹¹mâreŋte ŋicwofuŋ â ŋic gurune gurune, ŋicbomboŋ â mâreŋte mumutara ŋic sasawa;

¹²ŋicʒeŋoŋ â ŋokac ʒeŋoŋ, ŋic ŋokac qizec â naru motec!

¹³Jaŋe ʒeŋgoma Wofuŋte ʒâŋe muteŋkeniŋ; ere ʒâŋe mocjaha fekicne sâko, eri tatamac‐ticnezi mâreŋ â sambâŋ qâhuckekac.

¹⁴E kikefuŋfâc‐ticne ʒâŋe biŋe‐jeŋic bafaharewec; izi mitiŋicfâcne ʒeri mumuteŋ bâfua‐jarekac, Israe ŋic bufuŋfâcne jaŋe hâcne. Wofuŋ muteŋkeniŋ!