يَبُرَ 148:3-14

³سٌفٍ نُن كِكٍ شَ عَ مَتْشْ، تُنبُي دّشّشِيٍ قَن شَ عَ مَتْشْ.

⁴كٌورٍ شَ عَ مَتْشْ، عَ نُن يٍ نَشَن تٌمَ نَا.

⁵عٍ بِرِن شَ عَلَتَلَ شِلِ مَتْشْ، بَرِ مَ عَ يَمَرِ نَن قِ، عٍ نَشَ دَا.

⁶عَ نَشَ عٍ تِ عٍ تِدٍ، عٍ شَ لُ نَا عَبَدَن. عَ نَشَ نَ سّرِيّ سَ، نَشَن مُ كَنَمَ.

⁷وٌ عَلَتَلَ مَتْشْ كٍلِقٍ بْشِ مَ. بَا نُن نِمَسٍ بِرِن نَشٍيٍ نَ بَا تِلِنيِ كُي،

⁸سٍيَمَكْنيِ، بَلَبَلَنيِ، كُندَ، نُشُييٍ، نُن قٌيٍ شُنفبٍ نَشَن عَ شَ يَامَرِ رَتِنمّمَ،

⁹فٍيَيٍ نُن تٍنتٍنيِيٍ، وُرِ بٌفِلَيٍ نُن سّدِرِ بِلِيٍ،

¹⁰وُلَءِ سُبٍيٍ نُن شُرُ سٍيٍ، بُبُسٍيٍ نُن شْنِيٍ،

¹¹دُنِحَ مَنفّيٍ نُن سِيٍ، مَنفّدِيٍ نُن دُنِحَ كُنتِفِيٍ،

¹²قٌنِكٍيٍ نُن فِنّدِ مّدِيٍ، دِ مّيٍ نُن قٌرِيٍ،

¹³عٍ بِرِن شَ عَلَتَلَ شِلِ مَتْشْ، بَرِ مَ عَ شِلِ فبَنسَن نَن عِتٍشِ، عَ نْرّ دَنفِ كٌورٍ نُن بْشِ رَ.

¹⁴عَ بَرَ مَنفّ سّنبّمَ رَكٍلِ عَ شَ حَمَ شُن نَ، عَ شَ سّنِيّنتْييٍ نَشَن مَتْشْمَ، سّنِيّنتْييٍ نَشَن قِندِشِ عِسِرَيِلَ عَ شَ حَمَ شَنُشِ رَ. وٌ عَلَتَلَ مَتْشْ!