SAM 148:3-14

³Siwan gunzitkat gatu yekap gwen ngangga itane umana yatangenake gatu yekapdaau yasikaing ngangga itane umana yatangenatnong.

⁴Sike yekau enane sikngata itane umana yatangenatnong. Siwan yangga ena kaa komune yuaingga itane umana yatangenatnong.

⁵Sanga wa kuupbamda Buyambam tapatane umana yatangenatnong. Dasingge? Ita ina yawan aake yuaing.

⁶Ita yawan waakwau ina ayuaingune yutakuuke yuaing. Siwan wamu wa yakuu yawan kekekawan sandetnanga dua.

⁷Buyambam tapatane wamu atawakaing ngangu ginda Buyambam tapatane umana yatangenatnong. Sike ginu pis buyambam gatu sanga yanggabam gwenu kutakngane amunandang siknga yuaing gatu yapasiu mingane kakaakgak.

⁸Gatu yangga ais binga gatu minga kuut gatu gou kekeknga puyakaing.

⁹Sike ginu tawanu buyambam gatu ginu tawanu mateknga, gatu katau buya asaaking, gatu katau zongaatang nana, gatu kaau kuupbamu aminda kayuaing,

¹⁰gatu kaap zong, gatu kau mateknga, gatu kwait ngangu ginda Buyambam tapatane umana yatangenatnong.

¹¹Siwan ginu king gatu amin kepna kepna nana kuupbam, gatu kinggane waaknga tupan tapa apa kuupbam,

¹²gatu tupan amin gatu wawi matek, gatu maya matek, gatu aminuake, gatu waatdaka ginu kuupbamda Buyambam tapatane umana yatangenatnong.

¹³Siakande siknga. Kuupbamda Buyambam tapatane umana yatangenatnong. Dasingge? Umana kopsa itane akngata aminu kuupbam umana kaya ngana ita asiknga ayapbikut. Sike ninda yekapat kepat ngangu kana enane siknga sikaing ngana umana kopsa itane akngata ayapbikgak.

¹⁴Sike ita Isrel aminde take siknga natayamunggak. Sike ita wa aminu inane papan kekekake yuaingunin. Unzingge wa aminda itane umana ayatangenakaing. Buyambam tapatane umana yatangenatnong.