Miti Mânec 138:3-8

³No wira‐garepo dameŋ ira micnaneo romeŋ, â maŋte tâpiri bâsoka‐naremeŋ.

⁴Mâreŋte ŋicwofuŋ sasawa jaŋe micdâŋge manambiŋte, Wofuŋ, go mumbiaŋgunʒepieŋ.

⁵Jaŋe Wofuŋ wiac bapa‐ticnere gae henʒepieŋ; Wofuŋte eri tatamac i fekicne sâko hâcne.

⁶Wofuŋ e fekicnezi wahakicne hone maiŋ ejareekac, maŋfefe ine taicko hone tarac‐jopaekac.

⁷No ʒârâ hâriŋ maŋko juhape, go juju‐nane hone kitaŋ eekic; râsifâc‐nane imaŋ gomaŋ‐jeŋicte, mege sicnehuc aka hejareekic; mefâregezi baficnuekac.

⁸Wofuŋ, go bâbâpiaŋ giege norao bataracmu. O Wofuŋ, aki anonocge fofo sanaŋ foekac; go megere gie mi behezemec.