Buk Song 138:3-8

³Taim mi singaut long yu, yu bin harim prea bilong mi, na yu givim strong bilong yu yet long mi na mi stap strong olgeta.

⁴Olgeta king bilong graun i harim pinis tok bilong yu, olsem na bai ol i litimapim nem bilong yu.

⁵Na bai ol i singim song long ol samting yu bin mekim, na mekim song tu long biknem bilong yu.

⁶Bikpela, yu stap antap tru na yu nambawan, tasol yu save tingting long ol manmeri i no bikhet. Na ol bikhetman tu i no inap hait long yu.

⁷Taim planti hevi i kamap long mi, yu save lukautim mi na mi stap gut. Ol birua i kros long mi, tasol yu save pait long ol, na long strong bilong yu tasol, yu save kisim bek mi.

⁸Bikpela, mi save bai yu mekim olgeta samting olsem yu promis pinis long mi. Na yu save laikim mi oltaim oltaim. Mi laik bai yu pinisim olgeta wok yu bin kirapim.