Mithali 8:30-34

³⁰Nilikuwa kando yake, kama fundistadi mkuu, na mimi nilikuwa furaha yake siku kwa siku, nikifurahi mbele zake daima.

³¹Nilikuwa nikifurahi katika dunia yake yote na furaha yangu ilikuwa kwa wana wa wanadamu.

³²Na sasa, wanangu, nisikilizeni, maana wale wazishikao njia zangu watakuwa na furaha.

³³Sikilizeni fundisho langu na mpate hekima; wala msilipuuze.

³⁴Anisikilizaye atakuwa na furaha- kila siku akitazama katika malango yangu, akinisubiri pembeni mwa milango ya masikani yangu.