Mithali 7:2-26

²Uzilinde amri zangu ili uishi na uyatunzetu mafundisho yangu kama mboni ya jicho.

³Uyafunge katika vidole vyako; uyaandike katika kibao cha moyo wako.

⁴Mwambie hekima, “wewe ni dada yangu,” na ufahamu mwite jamaa yako,

⁵ili ujitunze mwenyewe dhidi ya mwanake haramu, dhidi ya mwanamke mgeni mwenye maneno laini.

⁶Nilikuwa naangalia kwenye wavu wa dirisha la nyumba yangu.

⁷Nikawatazama watu mwenye ukosefu wa uzoefu, na miongoni mwa watu vijana nikamwona kijana asiye na akili.

⁸Kijana huyo alishuka mtaani kwenye kona karibu na yule mwanamke, akaenda kwenye nyumba yake.

⁹Ilikuwa katika utusiutusi wa siku muda wa jioni, wakati wa usiku na giza.

¹⁰Akakutana na yule mwanake, amevaa kama kahaba, katika moyo wa udanyanyifu.

¹¹Alikuwa na kelele na upotovu; miguu yake haikutulia kwenye masikani.

¹²Alielekea mitaani, kisha sehemu ya sokoni, na katika kila upande alisubiri kwa kuviza.

¹³Basi akamshika na kumbusu, kwa uso wa nguvu akamwambia,

¹⁴leo nimetoa sadaka yangu ya amani, nimelipa nadhili yangu,

¹⁵hivyo nilikuja kukutana nawe, kuutafuta uso wako kwa hamu, na sasa nimekupata.

¹⁶Nimeweka matandiko juu ya kitanda changu, kitani za rangi kutoka Misri.

¹⁷Kitanda changu nimenyunyizia manemane, udi na mdalasini.

¹⁸Njoo, tunywe tujishibishe kwa upendo wetu hata asubuhi; tupate furaha kuu kwa matendo ya mahaba.

¹⁹Maana mume wangu hayupo nyumbani kwake; amekwenda safari ya mbali.

²⁰Alichukua mkoba wa fedha; atarudi siku ya mwezi mpevu.

²¹katika maneno yake mengi akamshinda; na kwa midomo yake laini anampotosha.

²²Ghafula alimfuata kama maksai anayekwenda kwa mchinjaji, kama ayala aliyekamatwa kwa nguvu,

²³mpaka mshale upasue ini lake. Alikuwa kama ndege anayekimbili kwenye mtego. Hakujua kuwa itamgharimu maisha yake.

²⁴Na sasa, wanangu, nisikilizeni; zingatieni maneno ya kinywa changu.

²⁵Moyo wako usiyageukie mapito yake; usipotoshwe katika mapito yake.

²⁶Amesababisha watu wengi kuanguka kwa kuwajeruhi; ameua watu wengi.