Mithali 5:12-23

¹²Nanyi mtasema, “Namna gani nilichukia fundisho na moyo wangu ulidharau sahihisho!

¹³Sikuweza kuwatii walimu wangu au kuwasikiliza walionielekeza.

¹⁴Nilikuwa nimeharibika kabisa katikati ya kusanyiko, miongoni mwa makutano ya watu.”

¹⁵Munywe maji kutoka kwenye birika lenu mwenyewe na munywe maji yanatiririka kutoka kwenye kisima chenu.

¹⁶Je inapaswa chemichemi yenu ifurike popote na mifereji yenu ya maji itiririke katika njia kuu?

¹⁷Yawe yenu wenyewe peke yenu wala si kwa wageni.

¹⁸Chemichemi yako ibarikiwe na umfurahie mke wa ujana wako.

¹⁹Maana ni ayala apendezaye na kulungu mwenye uzuri. Matiti yake na yakujaze furaha muda wote; daima na utekwe na upendo wake.

²⁰Mwanangu, kwa nini uwe mateka wa malaya, kwa nini uyakumbatie matiti ya mwanamke mgeni?

²¹Yehova huona kila kitu afanyacho mtu na huangalia mapito yake yote.

²²Mtu mwovu atatekwa na makosa yake mwenyewe; kamba za dhambi yake zitamnasa kwa nguvu.

²³Atakufa kwa kukosa maonyo; atapotelea mbali kwa upumbavu wake wingi.