Mithali 2:4-19

⁴kama utautafuta kama fedha na kupekua ufahamu kama unatafuta hazina iliyojificha,

⁵ndipo utakapofahamu hofu ya Yehova na utapata maarifa ya Mungu.

⁶Kwa kuwa Yohova hutoa hekima, katika kinywa chake hutoka maarifa na ufahamu.

⁷Yeye huhifadhi sauti ya hekima kwa wale wampendezao, yeye ni ngao kwa wale waendao katika uadilifu,

⁸huongoza katika njia za haki na atalinda njia ya waaminifu kwake.

⁹Ndipo utakapoelewa wema, haki, usawa na kila njia njema.

¹⁰Maana hekima itaingia moyoni mwako na maarifa yataipendeza nafsi yako.

¹¹Busara itakulinda, ufahamu utakuongoza.

¹²Vitakuokoa kutoka katika njia ya uovu, kutoka kwa wale waongeao mambo potovu.

¹³Ambao huziacha njia za wema na kutembea katika njia za giza.

¹⁴Hufurahia wanapotenda maovu na hupendezwa katika upotovu.

¹⁵Hufuata njia za udanganyifu na kwa kutumia ghilba huficha mapito yao.

¹⁶Busara na hekima zitakuokoa kutoka kwa mwanamke malaya, kutoka kwa mwanamke anayetafuta visa na mwenye maneno ya kubembeleza.

¹⁷Yeye humwacha mwenzi wa ujana wake na kusahau agano la Mungu wake.

¹⁸Maana nyumba yake huinama na kufa na mapito yake yatakupeleka kwa wale walioko kaburini.

¹⁹Wote waiendeao njia yake hawatarudi tena na wala hawataziona njia za uzima.