Mithali 12:5-21

⁵Mipango ya wale watendao haki ni adili, bali shauri la mwovu ni udanganyifu.

⁶Maneno ya watu waovu ni uviziaji unaosubiri nafasi ya kuua, bali maneno ya mwenye haki yatawatunza salama.

⁷Watu waovu wametupwa na kuondolewa, bali nyumba ya wale watendao haki itasimama.

⁸Mtu husifiwa kwa kadri ya hekima yake, bali yule anayechagua ukaidi hudharauliwa.

⁹Bora kuwa na cheo duni- kuwa mtumishi tu- kuliko kujisifu kuhusu ukuu wako bila kuwa na chakula.

¹⁰Yule atendaye haki anajali mahitaji ya mnyama wake, bali huruma ya mwovu ni ukatili.

¹¹Yule atendaye kazi katika shamba lake atapata chakula tele, bali anayesaka miradi duni hana akili.

¹²Watu waovu hutamani wanavyoiba watu wabaya kutoka kwa wengine, bali tunda la wale watendao haki hutoka kwao mwenyewe.

¹³Mtu mbaya hunaswa kwa maongezi yake mabaya, bali wale watendao haki hujinasua katika taabu.

¹⁴Mtu hushiba vitu vyema kutokana na tunda la maneno yake, kama vile kazi ya mikono yake inavyompa thawabu.

¹⁵Njia ya mpumbavu ni sawa machoni pake mwenyewe, bali mtu wa hekima husikiliza ushauri.

¹⁶Mpumbavu huonyesha hasira yake papo hapo, bali asiyejali tusi ni mwenye busara.

¹⁷Asemaye ukweli huongea ilivyo haki, bali shahidi wa uongo huongea uongo.

¹⁸Maneno yake asemaye kwa pupa ni kama kurusha upanga, bali ulimi wa mwenye hekima huleta uponyaji.

¹⁹Midomo yenye kweli itadumu milele, bali ulimi wa uongo ni kwa kitambo kidogo tu.

²⁰Kuna udanganyifu katika mioyo ya wale wanaopanga kutenda uovu, bali furaha hutoka kwa washauri wa amani.

²¹Hakuna ugonjwa utakaowajia wale watendao haki, bali watu waovu watajazwa matatizo.