Melkahka Kan 62:2-11

²Ihete me silepei oh sounkomourpei; ih me soundoarepei; sohte me kak poweiehdi.

³Ia erein amwail pahn pelipelian aramas emen me rasehng kehl ehu me kerengkpesengehr?

⁴Ih me kumwail mwahuki en sikendihsang nan dewe me wahun; kumwail kin perenki lokaia likamw. Kumwail kin wia koasoi en kapaia, ahpw nan mohngiongimwail kan kin keriahla.

⁵Koht ohte me I kin likih; ihete me I kin koapworopworki.

⁶Ihete me silepei oh sounkomourpei; ih me soundoarepei; eri I sohte pahn lohdi.

⁷Komourpei oh pil wauwi kin kohsang rehn Koht ohte; ih me silepei kehlail; ih me perehpei.

⁸Kumwail nei aramams akan, kumwmail likih Koht ahnsou koaros. Kumwail kasalehiong amwail apwal kan koaros, pwe ih me atail wasahn ruk.

⁹Aramas akan kin rasehng kisin mwahi kis; sohte wadepen irail koaros, me laud akan oh me tikitik kan. Ma re pahn tenekda, sohte pahn toutouwihr; re marahrahsang angin esingek en aramas.

¹⁰Kumwail dehr likih lemei; pil dehr koapworopworki me kumwail pahn kepwehpwehkihla pirap; mehnda ma kumwail pil kepwehpwehla, a kumwail dehr koapworopworki.

¹¹I rongehr pak kei Koht eh mahsanih me ih me ketin sapwellimaniki manaman