Salmo 62:2-11

²Sisya anggoy di somalaknib ya omisalakan, adiak maabak tan sisyay enak pankamangan.

³Amin kayo, ay adi kayon somaldeng ay pomalpaligat tan nay ay maiarigak si matoktokang ay alad?

⁴Layden yo anggoy ay mangipababa en sak-en ay nangato di saad na. Maragsakan kayo sin pan-etekan yo. Mayat din kali yo ngem sin nemnem yo yan babbaosan yo.

⁵Si Diyos anggoy di pantalkak, sisya di pannamnamaak.

⁶Sisya anggoy di somalaknib ya omisalakan. Adiak polos maabak tan sisyay enak pankamangan.

⁷Si Diyos anggoy di omisalakan ya mangidawat si dayaw ko, maiarig si pankamangan ay dakdake ay bato.

⁸Dakayo ay ipogaw, mantalek kayon Diyos Apo. Ibaga yon sisya amin di problima yo, tan sisya di pankamangan tako.

⁹Din ipogaw yan owat dagem di kaiarigan da, nangato ono nababa yan nan-iiso ay magay silbi da. Mo timbangen et magay dagsen da, mayap-ew mo dagem di timbang da.

¹⁰Adi kayo mantalek si kabaelan yo ay mamaligat ono mangegyat si ib-a yo ta say bomaknangan yo. Adi kayo aben mantalek si inakew yo. Olay matapian din kinabaknang yo, baken say pantalkan yo.

¹¹Baken owat namingsan ay inbagan Diyos ay manakabalin sisya