Melkahka Kan 28:2-7

²Komw ketin karonge ie ni ei kin likweriong komwi pwe I en peki sapwellimomwi sawas, ni ei pahn patohwan kapalahng pehi kat ong Tehnpasomwi sarawio.

³Komw dehr ketin kaloke ie duwehte aramas suwed kan, irail kan me kin wia me suwed— soangen aramas akan me kin lokaia kadek, ahpw kailok me aude nan mohngiongirail kan.

⁴Komw ketin kalokehkin irail soahng kan me re wiadahr, oh suwed koaros me re dipkidahr. Kalokehkin irail mehkan koaros me re wiadahr; komw ketikihong irail dahme konehng irail!

⁵Re sohte kin nsenohki wiepen nin limen KAUN-O de dahme e ketin wiahda kan; eri e pahn ketin kaloke irail oh kamwomwirailla kohkohlahte.

⁶Kumwail kapinga KAUN-O; e ketin karongeier ei likwer en pek sawas.

⁷KAUN-O kin ketin sinsile oh doandoare ie; I kin likih. E kin ketin sewese ie oh kaparanih ie; I kin kapingahki ei koulen peren kan.