SAM 28:2-7

²Siwan nata tapduu akgatangamiyakge yawanu, gata natane tumuk wamae natapso. Sike nata tumuk wamu yayuk kataknga tangenake yotdae katapmiyuk tumuk wamu yanggau natapso.

³Sike aminu kunduta notnaapae kaaya wam yanikaing, ngana natdetdeu wai musiane doke yuaing. Siwan gata naat gatu wai aminu waakwakat ma kaipakapapuke nisipim.

⁴Gata waaminu waiaknga tasikaingu pandambanuyo. Waiaknganae buyana inandek inandek asiknga yamuyo. Ngan, waaminde toknga siknga yamuke asiknga pandambanuke pasiwi mainong.

⁵Sike waaminu puya buyambamu Buyambam tapata tasikutde dua natapasikaing. Unzingge ita waaminu pandambanuke gatukande pasiwan sopuning. Siwan ita waaminu gatuna dua gatayamik.

⁶Siwan nata Buyambam tapatane umana yatangenakgat. Dasingge, nae musip kwikwik natangamikge natake ie tumuk wam yatawaawa gwa natapbut.

⁷Anututa ina siknga na kekekngamuke kakuya tasike wamanapmanggak. Nata ie banip siwa Buyambam tapata na akgatangamunggak. Ge nata ie asiknga baknganggat. Bakngake nata kap taike umana yatangenakgat.