Melkahka Kan 20:1-5

¹KAUN-O en kin sapeng omwi kapakap ni ahnsoun omwi apwal! Koht en Seikop en kin ketin sinsile komwi.

²En ketin kadarodohng komwi sawas sang nan Tehnpese oh kin ketin sewesei komwi sang pohn Nahna Saion.

³En ketikihda omwi meirong kan koaros, oh kupwurperenki omwi meirong en mahn akan koaros.

⁴En ketikihong komwi dahme komw kin inengieng oh kupwure pwe omwi koasoandi kan koaros en pweida.

⁵Eri iei duwen atail pahn ngisingiski atail perenkihda omwi powehdi oh pil kapikapingahki atail Koht. KAUN-O en ketin kupwurehla omwi pekipek kan koaros.