Mbouŋ to Yes Israela 20:1-5

¹Sawa to ighaze yom uneep ila pataŋani lolo, Yoova pale ilooŋ suŋuuŋ tiom ve iuul ghom. Maaron to Yakop, ye iza tiina pa tapiri ve poia toni. Ye pale inim sigeu payom ve iŋgin ghom uneep pooi.

²Maaron ineep ila rumai toni patabuaŋ izi lolooz Zion. Ye pale iuul ghom ve ipalot ghom.

³Pale mata iŋgal watooŋrau tiom tisob. Irau lolo imaagh padi maau. Watooŋrau tiom to yab ighan suvun di, nene tighami lolo poia.

⁴Ve mbeb to yom lolom pani, ye pale igham payom. Ve sa ŋgar to matam iŋgali ughaze ughami, ye pale igham anoŋa ivot.

⁵Muri, sawa to yom ulib pa koiamŋa, yei pale lolomai poia kat ve nilool. Pale nigham pilak tiei, ve nikakayab di tilala tinimnim, ve nipait Maaron toit iza toman tinimai iza. Mbeb tisob to yom ughason Yoova pani, ye pale ilooŋ ghom ve igham payom.