SALMOS 20:1-5

¹Ma TOTECO mitztlacaquili quema timocuesohua. Ma mitzmanahui nopa Dios tlen huejcajquiya quimanahui Jacob.

²Hasta campa yajaya itztoc ipan ichaj, ma quititlani tlapalehuili tlen quisa tlen altepetl Jerusalén.

³Ma quiilnamiqui nochi motlacajcahualis tlen tijmacatoc. Ma moilhui tlen nopa tlacajcahualistli tlen tijtlati iixtla huan tlen yajaya quiseli ica paquilistli.

⁴Ma mitzmacas nopa tlen moyolo quinequi. Ma quichihua ma quisa cuali nochi tlen timoilhuijtoc tijchihuas.

⁵Queja nopa tojuanti titzajtzise ica paquilistli pampa ta titlatlantoc, huan tijtlalanase banderas ica itoca Toteco Dios pampa mitzpalehuijtoc. Quena, TOTECO ma mitzmaca nochi tlen tijtlajtlanijtoc.