Luka 8:39-54

³⁹“Boldetu ćhere thaj phen sa so ćerda tuće o Del.” Vo đelotar thaj razglasisarda pe sasto gav so ćerda lešće o Isus.

⁴⁰A kana o Isus boldape palpale pe koja rig e jezerošći, maladale o them kaj željno ažućarenasle.

⁴¹Thaj dik, avilo o manuš kasko alav sas Jair, savo sas jek katar e vođe ande sinagoga. Thaj pelo pe pire koča angle Isusešće pungre thaj molisardale te del ando ćher lesko

⁴²kaj sas po meripe lešći jedino čhej savja sas varekaj katar dešuduj brš. Dok o Isus džalas ande Jairesko ćher oko leste ćićidelaspe sa o them katar sa e riga.

⁴³A maškar o them sas jek manušnji savi sas nasvali katar o godova kaj dešuduj brš thavdelas o rat latar. Sa so sasla dija pe doktorja thaj khonik naštiksarda te sastarela.

⁴⁴Nakhli palal leste thaj astardape e ćoškostar katar e Isusešći haljina, thaj o rat odma ačhilo latar.

⁴⁵A o Isus phendas: “Ko astardape mungre haljinatar?” Savora počnisardine te braninpe, a o Petar phendas: “Sikavneja, o but o them ćićideltu thaj spidelpe. aj tu phučes ko astardape pale mande.”

⁴⁶A o Isus phendas: “Vareko astardape pale mande namerasa. Haćardem sar e sila inkljisti andar mande thaj vareko sastilo.”

⁴⁷A e manušnjii dikhla kaj naštik garadol, sa ande dar avili thaj čhudape pe koča angle leste thaj anglo sa o them phendas sostar astardape pale leste thaj sar odma sastili.

⁴⁸A vo phendas laće: “Čhejo, ćiro paćipe sastardatu. Dža ando miro!”

⁴⁹Dok o Isus još ćerelas svato e romnjaće, avilo vareko andar e Jairesko ćher savosas vođa ande sinagoga ćher e porukasa: “Muli ćiri čhej. Na majbut mučisar e sikavne.”

⁵⁰Ašunda godova o Isus thaj phendas: “Nadara! Samo paća thaj voj traila!”

⁵¹O Isus dija ando ćher, al khonikas či mukla te del lesa andre osim e Petre, e Jovane, e Jakove thaj e čhoraće dade thaj laće deja.

⁵²A savora save sas ando ćher rovenas thaj žalinas pale čhori. A o Isus phendas lenđe: “Naroven! Či muli, nego samo sovel!”

⁵³A von asanas lestar kaj džangline kaj muli.

⁵⁴O Isus astardala palo vas thaj čhuta muj: “Čhorije, ušti!”