4Vo đelo thaj dogovorisajlo e šorvale rašajenca thaj e vojne zapovednikonca sar te predail lenđe e Isuses.
5Von raduisajle thaj obećisardine lešće kaj denas les love.
6O Juda pristanisardas. Katar askal o Juda rodelas prilika te predail e Isuses lenđe a te na dićhel o them.
7Kana avilo o blagdan e bikvascošće mangrengo, ande savo trubujasas te žrtvuil pes e pashako bakhro,
8O Isus bičhalda e Petre thaj e Jovano thaj phendas lenđe: “Hajde džan thaj pripremisaren amenđe te has e pasha.”
9A e učenikurja phučline les: “Kaj kames te pripremisaras lat?”
10A vo phendas lenđe: “Ake, čim den ando gav malavela tumen o manuš savo inđarel paj ando bokali (vrčo). Teljaren pale leste ando ćher savo vo del
11thaj roden e domaćine ande godova ćher thaj phenen lešće: 'O sikavno phučel ande savi soba šaj hal e pashalno večera pire učenikonenca?'
12Vo sikavela tumenđe e bari soba po sprato. Okote pripremisaren.”
13E učenikurja đele ando gav thaj arakhline sa sar o Isus phendas lenđe thaj okote pripremisardine e pashalno večera.
14Kana pale godova avili e vrjama, o Isus lija than pale sinija e apostolenca.
15Askal phendas lenđe: “Saste ilesa čeznisardem te hava tumenca akaja pashalno večera majsigo nego aven mungre muke.
16Kaj phenav tumenđe, či majbut hvala dok či završilpe ando carstvo e Devlesko.”
17Lijas o tahtaj e moljasa, zahvalisardas thaj phendas: “Len thaj razdelisaren maškar tumende.
18Kaj phenav tumenđe, katar akana majbut či pijava e mol dok či avel o carstvo e Devlesko.”
19Askal lijas o mangro, zahvalisardas pale lete, phaglasle thaj razdelisardas lenđe e alavenca: “Akava si mungro telo savo delpes pale tumende. Akava ćeren te dentumen gođi mande.”
20Gajda vi pale večera lija o tahtaj thaj phendas: “Akava si mungro rat, rate Neve Savezosko savo čhordol pale tumende.”
21“Ali ake, mungre izdajniko bešel manca pale sinija.
22Me o Čhavo e Manušesko, moraš te merav sar si odredime, ali jao okolešće savo izdaila les!”
23A e učenikurja pe godova počnisardine te phučenpes ko maškar lende šaj avilosas godova.
24Askal počnisardine te prepirinpes maškar pende ko maškar lende šaj avilosas majbaro.
25A o Isus phendas lenđe: “E carurja akale themešće vladin e themeja thaj provodin e pravda pe lende korkoro pes akaharen kaj si lačhe.
26Ali tumen na ćeren gajda! Naprotiv, majbaro maškar tumende, neka avel savo si majcikno; a o starešina sago kova kaj služisarel.
27Kaj ko si majbaro? Okova savo bešel pale sinija ili okova savo služil les? Zar naj okova savo si pale sinija? A me ake služiv maškar tumende.”
28Tumen ačhiline manca ande sa mungre kušnje.
29Zato mukav tumenđe ando naslestvo e carosko čast kaj man dija lat mungro Dad
30te han thaj te pijen pale mungri sinija ande mungro Carstvo thaj te bešen pe prestolja te sudisaren e dešuduj plemenurja e Izraelošće.”
31Askal phendas o Gospod: “Simone! Simone! ake o beng rodel te iskušil tumen sago o điv kroz o sito.
32Ali me molisajlem pale tute te ćiro paćipe či oslabil. Zato, kana palem obratija tut mande, učvrsti ćire phralen.”
33O Petar phendas lešće: “Gospode, spremno sem tusa te džav vi ande tamnica vi ando smrto.”
34A o Isus phendas lešće: “Phenav tuće Petre, ađes ni o bašno či oglasilapes a tu trin drom zataija kaj pindžares man.”
35Thaj phendas: “Kana bičhaldem tumen po drom bi lovengo, bi trjastako thaj bi sandalengo, dal nedostailas tumenđe vareso?” A von phendine: “Khanči či nedostailas amenđe.”
36Akana phendas lenđe: “Kas si love, neka lelen pesa! Isto gajda vi e trjasta! A kas naj mačo, neka bićinel pire gada thaj nek ćinel pešće mačo.
37Kaj phenav tumenđe, moraš te pherdol pe mande okova so si ramome ando sveto lil: 'E manuša đinavenas les sago člano e grupaće save kršin o zakon', kaj sa so e prorokurja ramosardine pale mande pherdola pes.
38Von phendine lešće: “Gospode, ake akate siamen duj mačurja!” A o Isus phendas lenđe: “Dosta si!”
39Askal inkljisto okotar thaj po običajo uputisajlo pe maslinsko gora. Pale leste teljardine vi lešće učenikurija.
40Kana areslo okote phendas lenđe: “Molin tume te na peren ando napast!”
41Pale godova đelo maj dur lendar kozom šaj e baresa te čudestu, pelo pe pire koča thaj molisajlo:
42Dade! Ako kames, le mandar te na pijav akava tahtaj. Ali na te avel mungri nego ćiri volja nek avel!”
43A askal sikadilo lešće o anđeo andar o nebo te ohrabril les.
44Sa maj žarko molilas pes, ande smrtno muka, a o znojo pe leste postanisardas sago kapljice e ratešće save perenas pe phuv.
45Uštilo katar e molitva, boldape ke učenikurija thaj arakhlalen sar soven, iscrpime katar e žalosti
46Pa phendas lenđe: “Sostar soven? Ušten! Molin tumen te na peren ando napast!”
47Dok vo još ćerelas svato, pojavisajlo o them, a angle lende savo akhardolas Juda, jek katar e dešuduj apostolja. Vo avilo paše ko Isus thaj čumidasles.
48A o Isus phendas lešće: “Juda, zar e poljupceja izdaisares e Manušesće Čhaves?”
49A kana e ostale učenikurja dikhline so si, phučline: “Gospode, te napadis len e mačesa?”
50A jek lendar zamahnisardas e mačosa po sluga e bare rašaješće thaj čhindas lesko desno kan.
51A o Isus phendas: “Mućen len te ćeren godova! Na opirintumen majbut!” Askal astardape pale lesko kan thaj sastardales.
52Askal o Isus phendas e manušenđe save aviline pe leste, e šorvale rašajenđe, e zapovednikonenđe thaj e starešinenđe: “Sago po pobunjeniko aviline pe mande e mačonenca thaj e rovljenca!
53Sostar či astardineman ando hramo? Svako đes semas okote tumenca. Ali akava si tumaro časo thaj vladil e tama.”
54E Isuses astardine thaj inđardineles ando ćher e bare rašajesko. A o Petar dadural sledilas les.
55A e stražarja maškare ande avlija astardine e jag thaj bešline okolo late. A o Petar bešlo maškar lende.
56Varesavi sluškinja dikhlales kaj bešel paše jag, oštro dikhla pe leste thaj phendas: “Vi akava sas e Isusesja!”
57A o Petar hohadas: “Manušnjije pa me či pindžarav les.”
58Nedugo pale godova još vareko lijales sama thaj phendas: “Vi tu san jek lendar!” A o Petar phendas: “Najsem, manuša!”
59Kana nakhlo varekaj katar jek sato, vareko aver potvrdisardaphendas: “Vi akava sas čačes lesa! Pa galilejco si!”
60A o Petar phendas: “Manuša, či džanav so phenes!” Isto časo dok još motholas, oglasisajlo o bašno.
61Askal o Gospod boldape thaj dikhlas po Petar, a o Petar dijape gođi ke alava e Gosodešće, save phendas lešće: “Phenav tuće još akaja rjat majsigo nego so o bašto ašundol, trin drom zataijaman.”
62O Petar inkljisto andar e avlija thaj zurales rujas.
63A e čuvarja počnisardine te maren e Isuse thaj te maren muj lestar
Luka 22
Luka 22:4-63