Luka 22:4-63

⁴Đelo thaj vačarda e šerutnencar e sveštenikurencar thaj e vojskaće zapovednikurencar sar ka izdajil e Isuse.

⁵Thaj von radujisajle, thaj vačarde e Judase kaj počinen lese gova.

⁶Thaj o Juda dija po lafi. Thaj vov rodija šukar vreme te predol e Isuse dok ni sesa gothe but manuša.

⁷Thaj avilo o đive e bikvasacose mangrengo, ke savo trubuja te čhinolpe o pashalno bakroro,

⁸o Isus vačarda e Petrese thaj e Jovanese: “Đan thaj čeren amenđe Pasha te šaj te xa.”

⁹A von pučlje le: “Kaj manđe te čera la?”

¹⁰A o Isus vačarda: “Kana ka den ano foro, ka aračhen manuše savo inđarol ano khoro paj. Đan pal leste ane savo čher vov đal,

¹¹thaj pučen gole čherutne: 'O učitelji pučol an savi soba šaj hal i pasha pe sikadencar?'

¹²Thaj vov ka sikavol tumenđe upruni soba savi si postavimi. Gothe čeren i pasha.

¹³Thaj e sikade đele ano foro i arakhlje sar so vačarda lenđe o Isus, thaj gothe čerde i pasha.

¹⁴Thaj kana avilo o časo, o Isus bešlo ki sinija, pe dešudujen apostolurencar.

¹⁵Thaj vačarda lenđe: “But mangljem te hav kaja pasha tumencar angleder so ka avav mudardo.

¹⁶Golese vačarav tumenđe kaj od akana ni ka hav la dok ni pherdol ano carstvo e Devleso.”

¹⁷Thaj lija i tahtaj e moljasa thaj dija hvala e Devlese, thaj vačarda: “Len thaj ulaven la maškare tumende.

¹⁸Vačarav tumenđe, od akana ni ka pijav i mol sa dok ni avol o carstvo e Devleso.”

¹⁹Thaj lija o mangro, dija hvala, thaj phaglja le thaj ulada e sikadenđe vačarindoj: “Kava si o telo mingro savo dolpe tumenđe. Kava čeren te den tumen gođi mandar.”

²⁰A palo hajpe lija i tahtaj e moljasa thaj vačarda: “Kaja tahtaj si mo rat, rat taro nevo savez savo čhordol tumenđe.

²¹A ak mo izdajniko bešol mancar kate ki sinija.

²²Thaj me o Čhavo e Manušeso mora te merav sar so si phendo, al pharo e manušese savo ka izdol ma!”

²³Thaj e sikade lije maškar peste te pučen pe ko bi čerola gova lendar.

²⁴Thaj lije te čeren čingara maškare peste ko lendar bi avola em baro.

²⁵A o Isus vačarda lenđe: “E carura tar kaja phuv vladin pe pire manuša i isilen vlast pe lende. Von den pe vika šukar manuša.

²⁶A tumen ma čeren gijate! Nego ko si tumendar em baro te avol em cikno, thaj savo si phureder nek avol kova savo kandol.

²⁷Golese ko si embaro? Kova savo bešol ko astali il savo kandol? Naj li kova savo bešol ko astali? A me sem maškar tumende okova so kandol.

²⁸A tumen sen gola save ačhile mancar ane mo bilačhipe.

²⁹Thaj ačhavav tumenđe o carstvo sar mo Dad so ačhada manđe

³⁰te xan thaj te pijen ko astali mingro ane mingro carstvo, thaj te bešen ko prestolura thaj te sudin pe dešuduj plemenura e Izraelese.”

³¹Thaj vačarda o Rajo: “Simone! Simone! Ak o beng manđol te sejil tumen sar so sejil pe o điv.

³²A me molisaljem tuče ćo pačaipe ma te ačhol. A tu kana ka iri tut ke mande, te zurave će phralen!”

³³A o Petar vačarda lese: “Rajo! Spremno sem ano phanglipe thaj ano meripe tusa ka đav!”

³⁴A o Isus vačarda lese: “Vačarav tuče, Petre! Avđive ni ka đilabol o bašno dok tu trin droma ni vačare kaj ni pinđare man.

³⁵Thaj vačarda lenđe: “Kana bičhaldem tumen bize kese parencar, thaj bize traste thaj bizo pođipe, so naj sasa tumen?” A von vačarde lese: “Khanči.”

³⁶A o Isus vačarda lenđe: “A akana kas isi kesa te lol la! Gijate i pi trasta! A kas naj mačo nek biknol po fostano thaj nek činol pese.

³⁷Golese vačarav tumenđe kaj trubul te pherdol okova so ačhol ano Sveto Lil mandar: 'Thaj e manuša dikhlje le sar jekhe manuše lendar save pađen o zakono.' Golese sa so pisisade e prorokura mandar ka avol sa čače.”

³⁸A von vačarde lese: “Rajo! Ak isi amen duj mačura.” A vov vačarda lenđe: “Šukar si!”

³⁹Thaj iklindoj gothar, pal po adeti, đelo ko Maslinsko brego. A pale leste đele e sikade lese.

⁴⁰Thaj kana resle o Isus vačarda lenđe: “Molin tumen te ma peren ano iskušenje!”

⁴¹Thaj crdijape lendar gači kobor šaj te čhudol pe bar, thaj pelo ke pe koča em molisajlo e Devlese:

⁴²“Dade! Le mandar te na pijav tar kaja tahtaj e bilačhimasi. Al nek avol sar tu so manđe, a na sar so me mangav.”

⁴³Teg sikadilo lese o meleko taro nebo thaj zurada le.

⁴⁴A kana doldale bari muka, po but molisajlo, a znoj leso sasa sar kaplje taro rat save perena ki phuv.

⁴⁵Pali molitva uštilo thaj avilo ke pe sikade, thaj arakhlja len sar soven taro pharipe kobor sasa lenđe.

⁴⁶Thaj o Isus vačarda lenđe: “Sose soven? Ušten, molin tumen e Devlese te ma peren ano iskušenje!”

⁴⁷Thaj dok o Isus vačarda, e manuša thaj jekh tare dešuduj sikade o Juda, avena kare leste. Avilo o Juda pašo Isus thaj čumidija le.

⁴⁸A o Isus vačarda lese: “Judo! Čumidimasa li izdaji e Čhave e Manušese?”

⁴⁹A kana e sikade dikhlje so čerdol, vačarde “Rajo! Te maramen li? Isi amen mačura.”

⁵⁰Thaj čalada jekh tare sikade e sluga e šorutnese e sveštenikurenđe, thaj čhinda leso desno kan.

⁵¹A o Isus vačarda: “Mučhen len! Nek čeren gova!” Thaj dolda leso kan thaj sastarda le.

⁵²A e manušenđe so avile pale leste, e vojskaće zapovednikurenđe, e sveštenikurenđe thaj e šerutnenđe taro Hram thaj e phurederenđe save avile lesa, vačarda: “Aviljen pal mande sar po čor čhurenca thaj kaštencar te dolen ma!

⁵³Sose ni dolden ma dok sema ano Hram? Svako đive sema tumencar odori. Al akana si tumaro časo, kana i zor e kalimasi vladil.”

⁵⁴Kana dolde e Isuse, inđarde le ke bare sveštenikoso čher. A o Petar odural đelo pale lende.

⁵⁵A e stražara phabarde jag ani avlin, bešle savore katane, thaj o Petar bešlo lencar.

⁵⁶Diklja le jekh sluškinja sar bešol paši jag, thaj dikhlja nakar leste thaj vačarda: “Kava sasa e Isusesa!”

⁵⁷A vov hohada vačarindoj: “Đuvlije! Me ni pinđarav le!”

⁵⁸Nekobor pale gova pinđarda le aver thaj vačarda: “Tu san jekh lendar!” A o Petar vačarda: “Manušeja, naj sem.”

⁵⁹Thaj kana nakhlo paše jekh časo nesavo manuš uporno vačarda taro Petar: “Čače thaj kava sasa lesa. Galilejco si!”

⁶⁰A o Petar vačarda: “Manušeja! Ni đanav so tu phene!” Thaj sigate dok vov vačarda o bašno đilabija.

⁶¹Thaj irisajlo o Rajo thaj dikhlja e Petre, thaj o Petar dijape gođi so vačarda lese: “Angleder so o bašno ka đilabol trin droma tu mandar ka duravo.”

⁶²Thaj o Petar iklilo avral thaj čerče ruja.

⁶³A e čuvara lije te maren e Isuse thaj te maren lesa muj.