Luke 22:4-63

⁴Yahuda a hi ninkon bi toh ndu Irji, biwa ba yah ndji kpatsri, wawu ni vu Yesu no ba.

⁵U ba ngyiri ni wu, nda no nklen

⁶Wa kpa nyime, da wa nkon wa ani vu noba ni nton wa indji bana he na.

⁷Ivi u gah u za, naki ba ti gan u hay ikru wu ton yin.

⁸Yesu a ton Bitrus mba Yohana, da tre, Hi ndi mla bubu biri u ton yin, du ta ri.

⁹Ba mye, ni nsten wu son ki hi mla bubu ati?

¹⁰A ka sah ni bawu, inde bi ri nimi gbu'a, bi tsra nio ndji a nji iriman. Hu hi ri nimi koh wa ani ri.

¹¹Hla ni ndji u koh, ndi mala, tre mikoh bi tsri he ni ntsen, wa mi ribi ri ni mri koh mu?

¹²Ani tsro yi kikle ko u koshu, wa ba mla ti ye bika mla ti ni mun.

¹³U ba hi da toh ikpe a he naki. Baka mla bubu u tan bredi wa ana sa na.

¹⁴Da inton ati wa ka sun ni mri koh ma.

¹⁵Wa a hla ni bawu, mi you suron ndi mi tan bredi wa ana sa na ni yi, ri ni yah.

¹⁶Naki mi hla yiwu, mi na la tan bredi ni yi na, se ba mla wu ti ni koh Irji.

¹⁷Yesu ban gbaju'a da ngyiri nda tre kpa wayi, gaa ni kpambi.

¹⁸Naki mi si hla yiwu mi na la so mma klo kunkro na, se koh Irji ye.

¹⁹A ban bredi'a nda ngyiri, nda mere no ba nda tre wayi yi nma kpa mu, wa ba no don biyi, bita ti nayi ndi ta ri mre mu.

²⁰A ban gbaju'a ni kogon bredi, iwa yi a si sa tre'a, a yi mu wa ba kahle don biyi.

²¹Bi ka mla yah indji wa ani vu noba, a he nime ni tu tebru.

²²Naki Ivren Ndji hi gbigbi na ba tre, Iyah ndi kima wa ani vu noba.

²³Baka lunde nda ni mye kpa mba, ahi nha ni mi mbu wa ani tie kpe mba.

²⁴Ba lu si sen nyu ni kpa mba, nitu ninkon u shu.

²⁵A hla ni bawu, bi tu chu baba ndji biwa bana toh Irji na, ba tsro gbengblen mba, bari ba he ni gbengblen nitu mba, ba you ba ndi bi mulki ni daraja.

²⁶Du na he naki ni yi na, naki du ndji wa a ninkonni yi du he na vivren tsitsa, indji wa a zan yi ka he na u tindu.

²⁷A hi nha a hi ninkon, wa a sun ni tebru, ko a wa a si tie ndu'a? Ana wa a sun nitu tebru na? Naki me na ndji u tie ndu ni mi mbi.

²⁸Naki biyi bi he ni mie ni mi tsra

²⁹Mi no yi mulki na wa Tie mu a ne.

³⁰Bi ri ndi so ni tebru u mulki, bi sun ni koh mu, ndi ta blatre ni lbe tso u Israila.

³¹Siman, Siman, mla zren me tie, ibrji a wa inton wa ani yre u na alkama.

³²Naki ba si bre ni wu, du you suron me du na joku na, inde wu kma ye wu ka tre trre ndindi ma wa ani no mri vayi me gbengblen.

³³Bitrus a hla wu Bachi mi he ni mereu hu hi ni brusuna mba kyu.

³⁴Yesu ka sa ni wu ni hla wu Bitrus, kafi du gba tbu luwa nkpu tra u kpatron ndi wu na toh me na.

³⁵Yesu ka hla ni bawu, inton wa mi ton yi hama ni bu ko go ple, ko lagban zah, ibi ka wa kpie hama? U baka trre ndi a'a.

³⁶Ama zizan'a, i wa a he ni mbu ka ban ni igople. Ndji wa ana he ni inji ngban na, ka ban klon ma le nd le ri.

³⁷Naki mi hla yiwu, ikpie wa ba nha nitu mu ani he naki, ba bla you na bi la tre, ikpei wa ba tre ni tumu a he naki.

³⁸U ba tre, “Bachi, iyah, ngye inji ngban hari, wa a tre da tsra nu

³⁹Da ba ri la u yalu kle, Yesu a hi na ani tie chachuu hi ni ngbulu Zaitun, se mri koh ma ba hu.

⁴⁰Da baka kai niki, waka hla bawu, ta bre Irji don du yi ri ni mi lah tre na.

⁴¹A kaba don da ch'bi, nda kukyu ngbarju nda bre,

⁴²Nda tre, Bachi, inde wu kpa nyime wu ka ban gbarju i rju ni mu.

⁴³Se Maleka ni shu ye niwu nda no gbengblen suron.

⁴⁴Ahe nimi iyah kpukpo me, a you ni bre, hra ikrji ma ni grji na gble yi.

⁴⁵A lunde ni bre ma, da ye ni mri koh, da ye toh ba basi kruna don ani lo ba suron.

⁴⁶Wa a mye ba a ngye sa bi si kruna? Lunde ndi bre du yina ri ni yah na.

⁴⁷A he ni mi tre, se ga gbugbu ndji ba ye baba Yahuda iri ni mi mri koh ma tso'a, nda ye whewhrre ni Yesu nda hlan vu.

⁴⁸Ni ki Yesu ka tre, Yahuda, wu ban Vren Ndji no ni hlan vu?

⁴⁹U biwa ba krju Yesu you ni tsutsu, ba toh ikpie wa si zren, nda tre, Bachi ki tsen ni inji ngba?

⁵⁰Iri ni mi mri koh ma a chu nji nda yba iton ninkon bi nha be u woh ko ri.

⁵¹U Yesu ka tre, a tsra naki da taba iton nda wakar ni wu.”

⁵²Yesu tre ni tie ndu ni koh Irji, ni bi gben ni koh Irji baba chiche ndji ba, wa ba you ni koh shishi bi rju na bi ye vu ndji u ybi, ni ba nji ngban ni kpala?

⁵³Ni wa mi na he ni yi ni tra Irji, bina vu me na, zizan a nton mbi ni gbengblen u bu.

⁵⁴Ba vu nda nji nda hi, ba nji hi ni koh ba, u Bitrus ka ta hu ni gbugban mu.

⁵⁵Niki baka muh lu ni tsutsu ra, nda ku sun niki wawu mbawu, Bitrus a sun ni tsutsu mba.

⁵⁶Sei wa ri a toh a sun ni kpan lu'a, nda you shishi ni wu, nda tre ndji yi ba he mbawu.”

⁵⁷U Bitrus a kpa tron, nda tre iwa mi na toh na.”

⁵⁸Vi toh fi me yi, u ndji ri ka toh nda tre, wu mewu he ni mi mba. Bitrus tre ndi, “Ana me na.”

⁵⁹Intonri hi, i ndji ri a kama nda la tre, njanji ndji yi ahe ni wu, a vren Galili.

⁶⁰Bitrus a tre, ndi mi na toh kpie wa asi tre na, nda asi he ni mi tre u gbah lu tbi.

⁶¹A kma u Bachi ka yah Bitrus. Se Bitrus ka ri mre ikpie wa Bachi tre'a, se a hla niwu, kafi du gbah du tbi luwa, u kpa tron nkpu tra ndi wu wu na toh me na.

⁶²Da Bitrus rju nda yi u'lo suron.

⁶³Se ndji bi wa ba troh baba Yesu ba ka zah wu da tsi me.