Luka 16:7-31

⁷A pale gova e dujtone pučlja: 'Kobor san borči?' A vov vačarda: 'Šel mere điv.' Thaj vačarda lese: 'Le ćiro lil thaj pisi ohtovardeš.'

⁸Thaj o barvalo hvalisada pe bičačutne upravitelje, kobor si đanglo so gija čerda. Golese kaj e čhave tar kava sveto si po snalažljiva ane buča slična e manušencar save si sar von, nego e čhave e svetlose.

⁹Thaj me vačarav tumenđe: so isi tumen barvalipe kale svetoso den averenđe te čeren tumenđe amalen. Kana ni ka avol tumenđe više korisno o barvalipe kale svetoso, ka aven primime ane čhera sa e đivesenđe ano nebo.

¹⁰Savo si verno ane cikne buča vov ka avol ke po bare buča verno, thaj ko naj verno ano cikne buča, ane po bare buča ni ka avol verno.

¹¹Gijate te naj sen verna ane kale svetoso barvalipe, ko ka doltumen nebesko barvalipe?

¹²Thaj ako ane avereso barvalipe naj san verno, ko ka doltumen tumaro?

¹³Nisavo sluga našti kandol tar jekh drom dujen barutnen. Il jekhe ni ka manđe, a e dujtone ka manđe, il jekhe ka šune, a e dujtone ni ka šune. Našti kanden e Devle thaj o barvalipe.”

¹⁴A kava so šunde e fariseja, save sesa pohlepna parenđe, marde muj e Isusesa.

¹⁵Thaj o Isus phenda lenđe: “Tumen čeren tumen šukar angle manuša, al o Dol đanol tumare ile. So si baro ane manušenđe jakha, ane Devlese jakha si gadno.

¹⁶Sikljona sa e Mojsijaso zakono thaj e lila save pisade e prorokura, sa đi kaj o Jovane e krstiteljeso ni avilo. Od teg vačara o Lačho lafi taro carstvo e Devleso, thaj phena savorenđe te den ane leste.

¹⁷Al gova ni značil kaj o Zakon više ni vredil, golese so po ločhe si te načhen o nebo thaj i phuv nego nesavi crtica andar o zakono te perol.

¹⁸Sar savo mučhol pe romnja thaj lol avera, averčumidipe (preljuba) čerol; savo lol ačhade đuvlja, averčumudipe čerol.

¹⁹Nesavo manuš sasa barvalo, savo urado sasa ano skerleto thaj ani svila, thaj živisada sa e đivesa ano barvalipe thaj ano radost sa e đivesa.

²⁰A sasa jekh čororo, leso alav sasa Lazar, savo pašljola angle leso vudar phumbalo.

²¹Thaj čeznila te čaljol e troškendar so perena tare barvaleso astali, thaj e đukle avena thaj čarena e phumba lese.

²²A kana mulo o čororo, e melekura inđarde le ani angali e Avraamese. Thaj posle thaj i o barvalo mulo, thaj prahosade le.

²³Thaj o barvalo sasa ano than kaj sesa e mule ane muke thaj vazdija pe jakha thaj odural dikhlja e Lazare ani angali e Avraamese.

²⁴Thaj dija vika: 'Dade Avraame! Dik pe mande thaj bičhal e Lazare te čhuvol po naj ano paj, te šudarol mi čhib, golese kaj mučiv man ane kaja jag.'

²⁵O Avraam vačarda lese: “Čhaveja! Detu gođi kaj ane ćo đuvdipe sa sasatu šukar, thaj o Lazar sa bilačhipe, thaj akana lese šukar, a tu muči tut.

²⁶Thaj prekale sa gova maškare amende si bari provalija. Kola save manđen te načen katar odoring tumende, našti, ni gothar amende te načhen.”

²⁷Tegani vačarda: 'Moliv tut, dade Avraame, te bičhale e Lazare ano čher me dadeso.

²⁸Golese kaj isi man panđ phrala. Nek vačarol lenđe te na bi i von avena ke kava than e mučimaso.'

²⁹Thaj vačarda lese o Avraam: 'Len isi okova so pisada o Mojsija thaj e prorokura. Len nek šunen.'

³⁰A vov vačarda lese: 'Na, dade Avraame! Te avilo lenđe neko tare mule ka pokajin pe.'

³¹A o Avraam vačarda lese: 'Te ni šunde e Mojsija thaj e prorokuren, ni ka šunen ni te uštilo neke tare mule.'”