LUKA 13:11-23

¹¹Unuseni ai hahine ta lauma dikana ese vada e boloa, laḡani gwauta-taurahani, bona doruna vada e laoho, asi gini tore dibana.

¹²Iesu ese e itaia, bena e hamaoroa, eto, Hahine e, emu doru laoho vada eme maoro.

¹³Imana danu ia latanai e dau kau; bena doruna e maoro. Bena hari hahine ese Dirava e imodaia.

¹⁴A dubu biaguna e badu, Iesu Dina Helaḡa ai e hahemauri dainai; bena ia ese aru taudia e gwau henidia, eto, Dina tauratoi mimia, taunimanima edia ḡaukara dinadia: unu dinadia ai hahemauri totona baoma, a Dina Helaḡa ai basioma.

¹⁵A Lohiabada ese e haere henia, eto, Koikoi taumui e, Dina Helaḡa ai emui boromakau eiava emui doniki asio ruhaiamu, ranu ihenina asio hakaua laomu a?

¹⁶A ina hahine, Abraham besena hahinena, laḡani gwauta-taurahani Satana ese e guia, be Dina Helaḡa ai basina ruhaia a?

¹⁷Unu e gwau toma, bena e inai heniava taudia vada e hemarai. A aru taudia ese ena kara herea-daedia e moalelai.

¹⁸Bena ia eto, Dirava ena basileia na edeheto? Dahaka ai baina haheḡereḡerea?

¹⁹Ia na sinapi nadinadina ta na heto, tau ta ese e abia, ena uma ai e hadoa. Bena e tubu, au badana ai ela, bona atai manudia na rigina ai e roho kau.

²⁰Ma eto, Dirava ena basileia na dahaka ai baina haheḡereḡerea?

²¹Ia na halubu muramurana na heto, hahine ta ese e abia, flaoa nau autoi ida e buloa, ela bona idoinai vada e tubu.

²²Ia na Ierusalem dalana ai e laova ai na hanua badadia bona maraḡidia lalodiai e hahedibava.

²³Bena tau ta ese e hereva henia, eto, Lohiabada e, gagadoi mo bae mauri eiava? Ia e haere, eto,