Uluka 13:11-23

¹¹Ure uce mawu tiwe ukirau intini witi-tari mazin unu koni uzenze, ma ciki tungoron, da ma rusi utonno ba.

¹²Yeso ma iri me, ma ti ti me magun me, ukoni ugame ma humawe uni,

¹³Yeso ma tāri-tāri a me, ma dusa mahiri matonno madusa nonzo Asere.

¹⁴Abanna me, una je udenge utize ta sere ma guna iruba barki Yeso mahuma unu rono Asabaci. Unaje magu ma anu, “Tu wui utasi tirani sa unu madake mawuzi katuma. Ayeni a humza shi, kati I ezi rono Asabaci ba.

¹⁵Abinime Ugomo-Asere, makabirka me, Ana Iriba ibit! Ida sapso shi izenki ishi me nyani inna amatu-kum maweme ika nyani we gmei rono Asabaci?

¹⁶Uca wa kura Ibrahim, de sa bibe bi buru ba tirza tiwe ukirau in tini witi-tari. Adake a sapi me rono asabaci ba?

¹⁷Sa buka anime vat ande sa nyare me wa kunna mu eh, vat ana ori wa wu iriba irom in ti mum ti humma sa mawuzi.

¹⁸Yeso maguana, “Ane ni adi iri tigomo ta Sere, indi kuri inki tini aneni?

¹⁹Izi kasi biho bi ukungu, sa ure unu mabiri anyimo urung umeme, usuri uzi uwuu bi titi bi dandang, inyi Ibara tisu iriri me.

²⁰Makuri magu, in Nyanini indi bati in tigomo ta Sere?

²¹Tizi kasi uyist sa ure uneh ma pitti nan mudu mataru mumu ina ma alkama bati mupoo.

²²Yeso māha ati pin nan na giro, una me sa hazi Urushalima mabezi we tize ta Sere.

²³Uye magun me, “Ugomo-Asere, ande sa adi kabiwe wadizi cingilin ini?” Magunwa,