لُكِ 13:11-23

¹¹عَ نَشَ فِنّ ندٍ لِ نَا حِننّ نُ بَرَ نَشَن كُنتِن عَ رَ. كَبِ حّ قُ نُن سٌلٌمَسَشَن عَ مُ نُ نْمَ عَ رَكٍلِدٍ قٍوٌ!

¹²عِسَ تٌ عَ تٌ، عَ نَشَ عَ شِلِ، عَ عَ قَلَ عَ بّ، «ﭑ نفَ، عِ بَرَ قُلُن يِ قُرٍ مَ تٌ.»

¹³عِسَ تٌ عَ بّلّشّ سَ عَ مَ، فِنّ نَشَ عَ رَكٍلِ كٍرٍن نَ، عَ سٌ عَلَ مَتْشْقٍ.

¹⁴كْنْ عِسَ تٌ عَ رَيَلَنشِ مَلَبُ لْشْي نّ، سَلِدٍ شُنمَتِ نَشَ شْنْ عَ مَ، عَ عَ قَلَ حَمَ بّ، «شِ سٍننِ نَن نَ عَ دَشَ مِشِ شَ وَلِ نَشَن كُي. وٌ شَ قَ مَرَيَلَنيِ قٍندٍ نَ لْشْييٍ نّ، كْنْ وٌ نَشَ قَ مَلَبُ لْشْي تَن مَ.»

¹⁵مَرِفِ نَشَ عَ يَابِ، «وٌ تَن قِلَنكَقُييٍ! مَلَبُ لْشْي مَ، وٌ بِرِن مُ وٌ شَ نِنفٍ شَ نَ مُ وٌ شَ سٌقَلٍ قُلُنمَ شّ عَ شِرِدٍ، وٌ عَ شَنِن يٍ مِندٍ؟

¹⁶عِبُرَهِمَ شَ دِ نَن يِ فِنّ رَ، كْنْ سٍنتَنّ بَرَ عَ شِرِ كَبِ حّ قُ نُن سٌلٌمَسَشَن. عَ مُ لَنمَ ﭑ شَ عَ قَن قُلُن مَلَبُ لْشْي مَ؟»

¹⁷عَ تٌ نَ قَلَ، عَ يَشُي بِرِن نَشَ يَافِ، كْنْ حَمَ تَن نَشَ سّيوَ عَ شَ كَابَنَكٌ قٍ بِرِن نَ.

¹⁸عِسَ مَن نَشَ عَ مَسٍن عٍ بّ، «عَلَ شَ مَنفّيَ مَنِيَشِ مُنسٍ رَ؟ ﭑ نْمَ عَ مِسَالِدٍ تَلِ وْيّنيِ مُندُن نَ؟

¹⁹عَ لُشِ نّ عَلْ كٌندٍ شْرِ شُرُدِ شّمّ نَشَن سِ عَ شَ بْشِ مَ. عَ نَشَ تٍ، عَ قِندِ وُرِ بِلِ رَ، شْنِيٍ قَ عٍ تّي سَ عَ كْن نَ.»

²⁰عَ مَن نَشَ عَ مَسٍن، «ﭑ شَ عَلَ شَ مَنفّيَ مِسَالِ مُنسٍ رَ؟

²¹عَ لُشِ نّ عَلْ لّبِنِ، فِنّ نَشَن سَ قَرِن بُسَلِ تَفِ شُن مَ، نَ قَ قَرِن بِرِن نَتٍ.»

²²عِسَ نُ سِفَمَ كَوَندِ تِ رَ تَايٍ بِرِن كُي، عَ شُنفبٍ نُن عَ شُرِ. نَ بِرِن، عَ نُ نَ دَرِ سَلَمُ كِرَ نَن شْن.

²³مِشِ ندٍ نَشَ عَ مَشْرِن، «مَرِفِ، نْندِ نَن عَ رَ، عَ مِشِ فبٍفبٍ مُ كِسِمَ؟» عَ نَشَ عَ يَابِ،