Lucas 3:4-14

⁴Kaya natupad en nakasulat ten libru ni propeta Isaias a, “Iddi en impahayag nen essa a tolay a magpákraw ten kaparangan: ‘Ihanda moy en paglakadan nen Panginoon. Maggamet kam ti masunong a dilan a paglakadan na!

⁵Matambakan en lábbak-lábbak, sakay mapatag en buki-bukid. Mapasunong en dilan a kiwál-kiwál, sakay mapatag en dilan a mabagtu-bagtu.

⁶Sakay ketan nen atanan a tolay en págligtas a gamitán nen Diyos!’ ”

⁷Makpal en tolay a ummadeni kánni Juan para magpabinyag. Peru kinagi na dikodi, “Sikam a lahi hidi ni biklat! Deya i nagkagiyid dikomoy maginanan moy en parusa a dumemát?

⁸Ipeta moy ten pamamag-itan nen gamet a nagsisi kamon, sakay dyan moy ikatuwiran a anak kam ni Abraham. Kagiyán ku dikomoy, a makalalang en Diyos ti tatarudan a anak ni Abraham ti batuwiday hidi.

⁹Nadid palla ay nakahanda dán en wasay para ten gamot hidi nen kayu; en balang kayu a awan magbunga ti maganda ay pukanán sakay ibut ten apoy.”

¹⁰Tinanung siya nen tolay hidi, “Ni konahud ay ánya i dapat miyid a gamitán?”

¹¹Tummábbig ti Juan, “Ni tehud kam a duwwa a badu ay iyatád moy en essa ten awan. Kona bi hud gamitánnid nen tehud a pagkain.

¹²Nadid, dummemát bi en mágsinger hidi ti buwes tánni magpabinyag, sakay nagtanung hidi dikona, “Maistu, ánya i dapat miyid a gamitán?”

¹³Kinagi na dikodi, “Dyan kam magsinger ti subra ten dapat moy a singirán.”

¹⁴Tinanung bi siya nen sundalu hidi, “Ay sikami, ánya bi i dapat miyid a gamitán?” Kinagi ni Juan dikodi, “Dyan kam mággid ten deyaman ten pamamag-itan nen págpilit oni págbintang ten awan ti katuwiran. Tama moy dán en suweldu moy.”