Kölfel 57:1-8

¹Ngeni ewe mi emweni chon köl: Ei köl usun ngingin ewe köl itan “Kosap ataela”. Echö än Tafit köl, lupwen a sü seni Saul o sülong lon ewe föimw. Kopwe ümöümöch ngeniei, ai Kot, kopwe ümöümöch ngeniei, pun üa eänuk lenien op. Üa op fän nürün poum, tori ewe mölümölün feiengau a feil seniei.

²Üa siö ngeni Kot, Ewe mi Unusen Tekia, ewe Kot mi alisiei lon mettoch meinisin.

³I epwe tinato an alilis seni läng o amanauaei, i epwe akufu chokewe mi chök tatapweriei. Kot epwe tinato an we tong ellet me an allükülük ngeniei.

⁴Chon oputaei mi wewe ngeni laion mi mwäräräiti le ochei aramas ra pwelifeiliei, ngir ra usun chök siles me föün esefich, nge chönawer ra usun chök ketilas mi ken.

⁵Ai Kot, kopwe pwäri om tekia asen ekewe läng. Om ling epwe pwä won unusen fanüfan.

⁶Chon oputaei ra anomu eu sär fän itei. Ai osukosuk a chouitiei. Ra tuw eu pwang lon alei, nge ra püsin turulong lon.

⁷Üa apilükülükuk, ai Kot, üa apilükülükuk, üpwe köl o mwareituk.

⁸Ngüni, kopwe pwök, ekewe kitar me ükülele repwe pwök. Üpwe apwökü mallen rän.