Pesalem 57:1-8

¹O Anôtô, taêm labu aê, taêm labu aêmaŋ gebe ŋoc katuc gê lamu aômgeŋ. Aê gabe jaê lamu aôm magêmlabu e ŋaclai enseŋ aê suŋa ê su acgom.

²Aê gamôêc gêdêŋ Lôlôc Ŋatau Anôtô. Gamôêc gêdêŋ Anôtô, taŋ gêjam gôliŋ ŋoc biŋ gêmoa naŋ.

³Eŋ kêkêŋ nê gêŋ ênam aê saŋa aŋga undambê mêŋêsa. Eŋ oc êŋgôm lau, taŋ sêjanda aê naŋ, majeŋ êsa. Anôtô oc êkêŋ nê têtac gêwiŋ teŋgeŋŋa to biŋ ŋaŋêŋŋa êmêŋ.

⁴Aê gaêc lewe ŋalêlôm. Êsêac gwadatêna sec. Luŋluŋ kêtôm kêm to sôb ma imbeleŋ kêtôm siŋ ŋamata.

⁵O Anôtô, ôwaka taôm sa aŋga undambê ma nêm ŋawasi ênam nom samucgeŋ auc.

⁶Êsêac sêkic uc aê gebe jawê ma sêkôniŋ aê katuc tôŋ. Êsêac sêkwê sê teŋ geseŋ aê auc, mago êsêac tauŋ sêu tauŋ sêsêp.

⁷O Anôtô, aê têtac kêpa su, têtac kêpa sugoc. Aê janam wê to janac gêŋ wêŋa êtaŋ.

⁸O ŋoc katuc, ôndi sa. O gêŋ wêŋaagêc, andi sa. Aê gabe jaŋu gamêŋ êu bôŋ sa.