SALMOS 57:1-8

¹Beyache' ḻaže'l neda', Dios. Beyache' ḻaže'l neda', dan' žx̱en ḻaža'a Le' ḻen dot yichj ḻáẕda'wa'. Gape chi'o neda' ka žon ẕkoko' žape chi'iba' bríse'do' ka' ẕan x̱ilba', na' zejte te che da' žaken chia'.

²Wḻiža' Dios, Benne' ẕente. Wḻiža' Ḻe' nich gákḻene' neda'.

³Gan zoe' ya'abá chie' seḻe'e no benne' yeslé' neda' ḻo na' bennen' žénele' wžía yi'e neda'. Dios beyache' ḻáže'le' neda', na' benne' chia' da' li chie'.

⁴Že' zedla' ka to benne' ži'e ladjw bež yix̱e' ka'. Zoa' ladjw benne' ka' zej nake' ka bež yix̱e' ka', bia ka' žáwgakba' benách ka'. Da' ẕnnégake' chia' naken ka yag ntóche'do' ka', na' x̱tíža'gake' zej naken ka ya ntoche' ka'.

⁵¡Ga'n ẕen Le' ya'abá, Dios! ¡Yeḻa' ẕen chio' ẕžinen dot yežlyó!

⁶Ba bdix̱jgak benne' ka' do yeḻj nich séngake' neda', na' žedó ḻaža'a ḻo da' žaken chia'. Bché'ngake' to yežw nich chejchazan', san ḻégake' ba bejcházgaken'.

⁷Zoakze ḻáẕda'wa', Dios. Zoakze ḻáẕda'wa' nich goḻkza' da' wká'n ẕenen Le'.

⁸Bebán, be' da' nakkza', na' le yebán, ḻe'e žinnle da' ka' žóḻ-ḻenle. Zildo' yebankza'.