Kàdduy Waare 4

1

2

3

4

5

6

7

8

9

10

11

12

¹Ma seetlooti gépp notaange gu am fi kaw suuf. Ndeke néew-doolee ngi jooy, amul ku ko dëfal. Ki koy not a am doole, te néew-doole ji amul ku ko dëfal.

²Dama ne ndokklee, yeen ñi dee jeeg, nde raw ngeen ñiy dund!

³Ki leen taneeti yeen ñépp di ki juddoogul sax, moom mi gisul jëf ju bon fi kaw suuf.

⁴Ma gis ne nit ak kër-këram jépp ak bépp manoorey liggéey, iñaanantee ko waral. Loolu it, cóolóoli neen ak napp um ngelaw.

⁵Dof banki loxoom, sànk boppam.

⁶Waaye benn ŋëb bu ànd ak dal moo gën ñaari ŋëbi doñ-doñ ci napp um ngelaw.

⁷Ma seetlu leneen luy cóolóoli neen fi kaw suuf.

⁸Kenn a ngii, kenn ñaareelu ko, du doom, du mbokk. Doñ-doñam du dakk, te du doylu, mujj mu naan: «Kan laay doñ-doñil, di xañ sama bopp bànneex?» Loolu it, cóolóoli neen, di sas wu tiis.

⁹Ñaar a man kenn; doñ-doñoondoo, yoolu bu baax.

¹⁰Kenn daanu, moroom ma may ko loxo. Waaye ngalla ku daanu te amuloo ku la may loxo!

¹¹Bu ñu tëddee di ñaar it, mana bokk nuglu. Waaye soo dee kenn, nooy nugloo?

¹²Fu ñu mane kenn, ñaar taxaw fa, jéngu, te buumu ñetti xànc gaawula dog.

¹³Kuy ndaw, génne kaso, tàmbalee nguuru fa mu juddoo woon mbaadoolo, ndaw loolu su dee baadoolo te xelu it, moo gën buur bu màggat, dofe, dégguli àrtu.

¹⁵Ma gis mboolem luy dund tey dox fi kaw suuf, di topp ndaw la wuutu buur.

¹⁶Mbooloo ngii mu janool, bare lool ba wees ab lim, te ña leen wuutu bégewuñu ki wuutu buur. Loolu it di cóolóoli neen ak napp um ngelaw.

¹⁷Moytul sa bopp booy dem kër Yàlla. Duggal te déglu, bala ngay def saraxi dof bu xamul ne mu ngi def lu bon.