Juan 1:28-46

²⁸Ne reta koree ngok thib ta le Betania, tedib lad roo yoo Jordán, ta mtsowleyy Juan re men.

²⁹Ne lee tedib wiza mwii Juan lee Jesús ndyaad lo Juan, tsa nzhab Juan: ―¡Wii goo, zha ree nak Mbak zhiil Diox, kuu nkib falt chaan re men yezlyu ree!

³⁰Zha ree nak zha kuu mndan kwent lo goo or kuu mnin: “Tut bluz nake na ndyaad thib zha kuu mas nataak nake na, tak nzoʼa zha desde ndala leettsa terka galʼn”.

³¹Tegal mlebeetʼn zha, per mtsowleyyʼn re men kon nit, par lebee re zha Israel zha.

³²Ne noga mndaa Juan kwent ne nzhab Juan: ―Mwiin lee Mbi Nayon mroo lobee taxal thib palom mla dits zha.

³³Ne lee na netʼn cho nak zha tsya. Per lee zha kuu mtaalʼn tsowleyyʼn re men kon nit, ne lon: “Loka zha kuu wiiʼa la Mbi Nayon dits ne yaan Mbi Nayon lo, zhaʼa nak zha kuu tsowleyy kon Mbi Nayon”.

³⁴Ne na mwiiy, ta mod ndan kwent lo re men, lee zha nak Xgann Diox.

³⁵Ne lee tedib wiza, leeka tya ndo Juan kon chop zha kuu ngeteed lo Juan.

³⁶Or mwii Juan lee Jesús nderid tya, tsa nzhab Juan: ―¡Wii goo, zha baa nak, Mbak zhiil Diox!

³⁷Ne mbin rop zha kuu ngeteed lo Juan kuu nzhab Juan, tsa mndeke rop zha dits Jesús.

³⁸Or mtsere lo Jesús lee rop zhaʼa ndeke dits Jesús, tsa mnaabdiz Jesús lo rop zha, ne nzhab Jesús: ―¿Kwan nkwaan goo? Lee rop zha mkab ne nzhab: ―Maestr, ¿pa nzoʼa?

³⁹Jesús mkab ne nzhab lo rop zha: ―De goo, tsa ne gooy. Tsa ngwa rop zha, ne mwii zha pa nzo Jesús, ne myaanka rop zha kon Jesús wiza, tak ndaʼa or, ora nzhak teeka las cuatro wiza.

⁴⁰Ne lee Ndres wets Simún Pey, nak thib zha lo rop zha kuu mbin kuu nzhab Juan, ne mndeke zha dits Jesús.

⁴¹Ne or mzal Ndres wets Ndres kuu le Simún, tsa nzhab Ndres lo Simún: ―Mwiiʼa nee Zha Kuu Mtaal Diox Nabee (zha le Crist).

⁴²Tsa ndano Ndres Simún ta ndo Jesús, ne or mwii Jesús lo Simún, tsa nzhab Jesús lo Simún: ―Lu nak Simún, xgann Jonás, per desde nal leeʼa role Cefas (diiz ree nak “Pey”).

⁴³Ne tedib wiza lee Jesús mroo nda yezlyu Galilea. Tsa mwii Jesús Lip ne nzhab Jesús lo Lip: ―Bteke ditsʼn.

⁴⁴Ne lee Lip nak zha yez Betsaida, tawlaz Ndres rop Pey nak Lip.

⁴⁵Tsa ngwakwaan Lip Natanael, ne or mzal Natanael lo Lip, nzhab Lip: ―Mzala nee zha kuu mndaa Moisés kwent lo libr chaan ley, leeka zha kuu mndaa re profet kwent. Lee zha nak Jesús xgann Che zha Nazaret.

⁴⁶Tsa nzhab Natanael: ―¿Chu tak roo thib zha ro yez Nazaret? Lip mkab ne nzhab: ―De, tsa ne luy.