Jon 11:10-22

¹⁰Tiali ma, bidi hulide bilibo bidi, aga tulamubo dao. Magi basowe? Ula menio, te aga te pabo tų hulia sai elalubo,” Jisasgo te po wai.

¹¹Jisasgo te po ma wadolama, te po wai, “Dago abagi Lasarus godege pibao. Tialima, eno aga hodoligi paibao,” Jisasgo te po aga wali pabo bidi dabe dali wai.

¹²Augwaligo te po wai, “Genuai Bidi, aga piyu da, te aga usu ma yaibao.”

¹³Jisasgo wali po “Lasarus godege pibao,” te po page aga isai dao wali. Tialima, geda muyu, augwaligo homugo aga olo godege piali, te homu yai.

¹⁴Tama tibaso, Jisasgo augwalibolo hanilama, te po wai, “Lasarus mu isalio,” te po wai.

¹⁵“Aga isali sogode ena aga dali bidibeo. Dage tobade ena agaba pabeo. Magi basowe? Nosali dagego enaba duga homu mumainogo ena tama tiwai. Te sę ebode eno dwagi yai homu ebao. Megi da aga bidibo digi pinao,” Jisasgo te po wai.

¹⁶Tomas, augwaligo aga nogi me Didimus wabo, te nogi page aga ama name dali deli sogo ame nai bidi, te bidi te Jisas wali pabo bidi me deli dao. Agai te Jisas wali pabo bidi mebabolo te po wai, “Da aga dali pinao, da me aga dali isimainogo pinao,” Tomasgo te po wai.

¹⁷Te augwali pelama, pelama, tama Betani be naniba sabolali. Bidi mego Jisasbolo “Lasarus pubulama, me si me si sogo bidali,” te po wai.

¹⁸Te dwasianu be nani Betani te moni hanu Jerusalem pąde digi tamao, usu ni kilomita sela tamao.

¹⁹Tama Juda we bidi hauwa augwali Jerusalemdu aselama, Marta dali Maria dali si bidibo digi asai, augwali si dali mumonani po omainogo, augwa si abe isali sogo tiwai.

²⁰Tama Martago Jisas asobo po odai, tama agai te be nani tagalama, tama Jisas tiąba pai. Tialima, Maria aga te be tomode bidai.

²¹Martago Jisasbolo te po wai, “Genuai Bidi, nage ede bidigi sogo da, eno abe isigi menio,” Martago te po Jisasbolo wai.

²²“Tialima, megi eno koneai, nago Godibolo magi nai me hanaluyu da, agai nagebolo mawaibao,” Martago Jisas dali te po wai.