Yuhanna 11:10-22

¹⁰Ammaa si neɗɗo ina yaha jemma fu, fergoto sabo annoora walaa e muuɗum.

¹¹Gaɗa o haalii haalaaji ɗiin, o wi'i ɓe: —Yigoo men Laajaru ɗaanake, mi yahan mi findinowa mo.

¹²Taalibaaɓe ɓeen mbi'i: —Joomii amin, si tawii wo o ɗaani ni, o daɗan.

¹³Ammaa wo haala maayde Laajaru o haali. Kamɓe ɓe miilii wo haala ɗoyngol o haali.

¹⁴Iisaa laaɓinani ɓe: —Laajaru heddaaki!

¹⁵Mi seyorake saabe mooɗon ko mi tawaaka toon ɗuum faa ngoonɗinon. Wooɗi jonkaa, en njaha to makko.

¹⁶Ndeen Tomaa noddirteeɗo Funereejo oon wi'i taalibaaɓe woɓɓe ɓeen: —En njaada e Joomii en enen du faa maayden e muuɗum.

¹⁷Nde Iisaa yottinoo toon fu, tawi waɗii balɗe nay ko Laajaru uwiraa.

¹⁸Hakkunde Baytaniya e Urusaliima ɓuraa hono kilooji tati.

¹⁹Alhuudiyankooɓe heewɓe ngari to Mariyama e Marta faa mbaaltina ɓerɗe muɓɓen e maayde sakiike muɓɓen.

²⁰Nde Marta nannoo Iisaa ina wara ndeen, yehi jakkitowii ɗum. Mariyama kaa heddii ley suudu toon na jooɗii.

²¹Marta wi'i Iisaa: —Joomam, sini aɗa wonnoo ɗo, minyam gorko oon maayataano.

²²De fay joonin du miɗo anndi huunde fuu ko ŋaariɗaa Laamɗo, waɗante.