Yuuhanna 11:10-22

¹⁰Kono si goɗɗo yaarii jemma, o feggoto, ko fii haray ndayganaa mo.»

¹¹Ɓawto ɗin konguɗi o wi'i ɓe: «Laazaru, giɗo men on, ɗaanike, kono miɗo yahude fii findingol mo.»

¹²Taalibaaɓe ɓen wi'i mo: «Koohoojo, si tawii o ɗaani, o ndikkay.»

¹³Tawi Iisaa ko yewti ko fii mayde Laazaru nden, kono kamɓe ɓe sikki ko fii ɗoyngol tun o wowli.

¹⁴Onsay Iisaa laaɓani ɓe, o wi'i ɓe: «Laazaru maayii.

¹⁵Kono miɗo weltii fii mon tawde hari mi alaa ton fii no gomɗiniron. Jooni yahen ka o woni ton.»

¹⁶Onsay Tooma, jammaaɗo Siwtaaɗo on, wi'i taalibaaɓe heddiiɓe ɓen: «Mahen enen kadi, maayiden e makko!»

¹⁷Ɓay wonii Iisaa hewtii, o tawi Laazaru heɓii balɗe nay ka yenaande.

¹⁸Tawi hakkunde Betanii ɗon e Yerusalaam yonaa kilomeeterji tati leydi.

¹⁹Tawi Yahuudiyankeeɓe buy no ari ka Mariyatu e Mariyama fii yarlingol ɓe mayde bandiraawo maɓɓe on.

²⁰Ɓay wonii Mariyatu humpitike wonde Iisaa no arude, o yahi fottugol e makko, Mariyama kaɲun lutti jooɗaade ka suudu.

²¹Mariyatu wi'i Iisaa: «Koohoojo, si tawno hiɗon ɗoo, bandiraawo an on maayataano.

²²Kono haa jooni miɗo andi kala ko toriɗon Alla, Alla waɗanay on.»