Jon 11:10-22

¹⁰Da bira arampuna aipewa me uyug aikpe. Kuiyawa me danave eyawa den wakene.”

¹¹Namu me mame wane, ivi sira dirum wane, “Apan numawa Rasaros me di kubvinivine, megara ne asime angeni, me wagwa nampna wan yoipe.”

¹²Me aigowawa garawa me gumbe waya, “Ayapan, me kubvinigimpe ipewa, me sira oraimina ape.”

¹³Iesu me bo meumawa oya wane. Megara me aigowawa anoyawa me kubiren oya waivi.

¹⁴Meve Iesu taibe mu dirumne, “Rasaros me boane.

¹⁵Ne yenan degadega eni ne me apa onan. Kuiyawa ye anotumat aigimtan oya. Megara menan anta.”

¹⁶Meve Tomas (mu waya Didimas) aigowawa upeba gumbo wane, “Nu mina anta, sira me gaibu bo ata.”

¹⁷Iesu uwanewa, me yaug anone Rasaros wait dagup danave barauya kum duwam ge duwam onanane.

¹⁸Betani me Jerusarem megiyave, 3 kiromitas mina.

¹⁹Sira Ju igiyawa obiren tatowa oya Maata ge Meri munan watmemeyam muntan oya onamiya.

²⁰Maata Iesu onivi anonewa, me yautan dauwag aine. Megara Meri gweyau wakene.

²¹Maata Iesu gumbe wane, “Ayapan, ge mapa wakepa ipawa, ne yunwa den bo apa.

²²Sira ne gare mame ande yaug anoeni ge divi oya wawa me God matai gempe.”