Iosua 21:26-44

²⁶A lavur pia na pal kai ra umana apik na tarai ta ra ibaiba ta ra umana natu i Koat, a vinun diat ma kadia lavur pia na vura.

²⁷Ma dia ga tul tar Golan aro Basan ta ra ngungu vuna tarai Manase ta ra umana natu i Gerson tika na apik na tarai Levi, varurung ma kana pia na vura, a pia na pal na bakbakit ure nina i doko ta tikai, ma Bestera ma kana pia na vura; a ura pia na pal;

²⁸ma ta ra vuna tarai Isakar, Kision ma kana pia na vura, Daberat ma kana pia na vura,

²⁹Iarmut ma kana pia na vura, ma En-Ganim ma kana pia na vura; a ivat na pia na pal;

³⁰ma ta ra vuna tarai Aser, Misal ma kana pia na vura, Abdon ma kana pia na vura,

³¹Kelkat ma kana pia na vura, ma Rekob ma kana pia na vura; a ivat na pia na pal;

³²ma ta ra vuna tarai Naptali, Kedes aro Galilaia ma kana pia na vura, a pia na pal na bakbakit ure nina i doko ta tikai, Kamot-Dor ma kana pia na vura, ma Kartan ma kana pia na vura; a utul a pia na pal.

³³A umana pia na pal kai ra tarai Gerson varogop ma kadia lavur apik na tarai, a vinun ma a utul a pia na pal ma kadia lavur pia na vura.

³⁴Ma di ga tul tar ia ta ra apik na tarai Merari, ra ibaiba ta ra tarai Levi, ta ra vuna tarai Sebulun, Iokneam ma kana pia na vura, Karta ma kana pia na vura,

³⁵Dimna ma kana pia na vura, ma Nalal ma kana pia na vura; a ivat na pia na pal;

³⁶ma ta ra vuna tarai Ruben, Beser ma kana pia na vura, Iasa ma kana pia na vura,

³⁷Kedemot ma kana pia na vura, ma Mepat ma kana pia na vura; a ivat na pia na pal;

³⁸ma ta ra vuna tarai Gad, Ramot aro Gilead ma kana pia na vura, a pia na pal na bakbakit ure nina i doko ta tikai, Makanaim ma kana pia na vura,

³⁹Kesbon ma kana pia na vura, ma Iaser ma kana pia na vura; diat par a ivat na pia na pal.

⁴⁰Go diat ra umana pia na pal kai ra umana natu i Merari varogop ma kadia lavur apik na tarai, a ibaiba ta ra umana apik na tarai Levi; ma kadia tiniba a vinun ma a ura pia na pal.

⁴¹A lavur pia na pal kai ra tarai Levi limlivuan ta ra langun kai ra tarai Israel, a ivat na vinun ma lavutul na pia na pal diat, ma kadia lavur pia na vura.

⁴²Ma go ra umana pia na pal a pia na vura i ga tur kikil diat tikatikai; damana pire go ra lavur pia na pal.

⁴³Damana ra Luluai i ga tul tar ra gunan par ta ra tarai Israel, nina i ga vavalima tar ia ta ra umana tama i diat; ma dia ga vatur vake, ma dia ga ki tana.

⁴⁴Ma ra Luluai i ga vango diat ta ra lavur papar, varogop ma ra lavur magit i ga vavalima tar ia ta ra umana tama i diat; ma pa ta tikai ta kadia lavur ebar par i ga tur bat diat; ra Luluai i ga nur tar kadia lavur ebar par ta ra lima i diat.