يٌسُوٍ 21:26-44

²⁶يِ تَا قُ نُن عٍ قِيلِيٍ نَشَ قِندِ كٍهَتِ شَ دِيٍ شَبِلّيٍ فبٍ رَ نَشٍيٍ مُ نُ نَ هَرُنَ شَ دِيٍ يَ مَ.

²⁷فٍرِ سٌن شَبِلّيٍ نَشَ تَايٍ سْتْ مَنَسِ بْنسْي سّيتِ سِنفٍ يَ مَ. عٍ شِلِ فٌلَن، مِشِ رَتَنفَ تَا ندٍ نَشَن نَ بَسَن بْشِ مَ، بّسّتّرَ، نُن عٍ قِيلِيٍ. نَ بِرِن نَلَنشِ تَا قِرِن.

²⁸عٍ نَشٍيٍ سْتْ عِسَكَرِ بْنسْي شَ بْشِ كُي، نٍيٍ نَن يَ؛ كِسِيٌن، دَبٍرَتِ،

²⁹يَرَ مُتِ، فَنِمِ، نُن عٍ قِيلِيٍ. نَ بِرِن نَلَنشِ تَا نَانِ.

³⁰عٍ نَشٍيٍ سْتْ عَسٍرِ بْنسْي شَ بْشِ كُي، نٍيٍ نَن يَ؛ مِسَلَ، عَبَدٌن،

³¹شّلّكَتِ، رٍشٌبٌ، نُن عٍ قِيلِيٍ. نَ بِرِن نَلَنشِ تَا نَانِ.

³²عٍ نَشٍيٍ سْتْ نَقَتَلِ بْنسْي شَ بْشِ كُي، نٍيٍ نَن يَ؛ كٍدٍ سِ، مِشِ رَتَنفَ تَا ندٍ نَشَن نَ فَلِلٍ بْشِ كُي نُن عَ قِيلِيٍ، شَمْتِ دْرْ نُن عَ قِيلِيٍ، كَرَتَن نُن عَ قِيلِيٍ. نَ بِرِن نَلَنشِ تَا سَشَن.

³³فٍرِ سٌن شَبِلّيٍ نَشَ تَا قُ نُن سَشَن سْتْ نُن عٍ قِيلِيٍ.

³⁴لٍوِكَيٍ نَشٍيٍ لُشِ، مٍرَرِ شَبِلّيٍ رَ، عٍ نَشٍيٍ سْتْ سَبُلٌن بْنسْي يَ مَ، نٍيٍ نَن يَ؛ يٌكَنَيِمِ، كَرَتَ،

³⁵دِ مِنَ، نَهَلَلِ، نُن عٍ قِيلِيٍ. نَ بِرِن نَلَنشِ تَا نَانِ.

³⁶عٍ نَشٍيٍ سْتْ رُبٍن بْنسْي شَ بْشِ كُي، نٍيٍ نَن يَ؛ بٍتٍسٍرِ، يَهَسِ،

³⁷كٍدٍ مٌتِ، مٍقَاتِ، نُن عٍ قِيلِيٍ. نَ بِرِن نَلَنشِ تَا نَانِ.

³⁸عٍ نَشٍيٍ سْتْ فَدِ بْنسْي شَ بْشِ كُي، نٍيٍ نَن يَ؛ رَ مٌتِ، مِشِ رَتَنفَ تَا ندٍ نَشَن نَ فَلَدِ بْشِ كُي، مَشَنَيِمِ،

³⁹شّسِبْن، يَاسّرِ، نُن عٍ قِيلِيٍ. نَ بِرِن نَلَنشِ تَا نَانِ.

⁴⁰تَا نَشٍيٍ بِرِن قِشِ مٍرَرِ شَبِلّيٍ مَ، عٍ رَلَنشِ تَا قُ نُن قِرِن.

⁴¹تَا نَشٍيٍ بِرِن قِشِ لٍوِ بْنسْي مَ عِسِرَيِلَكَيٍ شَ بْشِ كُي، عٍ رَلَنشِ تَا تٌنفٌ نَانِ نُن سٌلٌمَسَشَن، نُن عٍ رَبِلِنيِيٍ.

⁴²قِيلِيٍ نُ نَ تَايٍ بِرِن نَبِلِنشِ.

⁴³عَلَتَلَ نَشَ نَ بْشِ بِرِن قِ عِسِرَيِلَكَيٍ مَ عَلْ عَ عَ لَايِدِ عٍ بٍنبَيٍ بّ كِ نَشّ. نَ بْشِ بِرِن نَشَ قِندِ عٍ فبٍ رَ، عٍ نَشَ سَبَتِ نَا.

⁴⁴عَلَتَلَ نَشَ بْحّسَ قِ عٍ مَ عٍ نَانِنيِ بِرِن نَ، عَلْ عَ عَ لَايِدِ عٍ بٍنبَيٍ بّ كِ نَشّ. عٍ يَشُي يٌ مُ نْ شُننَكٍلِ سْتْدٍ عٍ شُن، بَرِ مَ عَلَتَلَ عٍ يَشُي بِرِن سَ نّ عٍ سَفٌي.