Joshua 21:26-44

²⁶Kohath ca rhoek kah a hui a ko aka coih rhoek ham a pum la khopuei neh a khocaak parha a lo pah.

²⁷Levi kah a hui a ko Gershon ca rhoek ham khaw Manasseh koca hlangvang taeng lamkah hlang aka ngawn kah hlipyingnah khopuei, Bashan ah Golan neh a khocaak, Beeshtarah neh a khocaak kho panit,

²⁸Issakhar koca rhoek taeng lamkah Kishion neh a khocaak Daberath neh a khocaak,

²⁹Jarmuth neh a khocaak, Engannim neh a khocaak khopuei pali,

³⁰Asher koca taeng lamkah Mishal neh a khocaak, Abdon neh a khocaak,

³¹Helkath neh a khocaak, Rehob neh a khocaak khopuei pali,

³²Naphtali koca rhoek taeng lamkah Galilee ah Kedesh, hlang aka ngawn rhoek kah hlipyingnah khopuei neh a khocaak, Hammothdor neh a khocaak, Kartan a khocaak khopuei pathum,

³³A pum boeih la a hui a ko tarhing ah Gershon rhoek kah khopuei he khopuei hlai thum neh a khocaak rhoek te om.

³⁴Zebulun koca lamkah Levi la aka cul Merari ca rhoek kah a hui a ko rhoek ham khaw Jokneam neh a khocaak, Kartah neh a khocaak,

³⁵Dimnah neh a khocaak, Nahalal neh a khocaak kho pali,

³⁶Reuben koca taeng lamkah Bezer neh a khocaak, Jahaz neh a khocaak,

³⁷Kedemoth neh a khocaak, Mephaath neh a khocaak kho pali,

³⁸Gad koca taeng lamkah Gilead Ramoth, hlang aka ngawn kah hlipyingnah khopuei neh a khocaak, Mahanaim neh a khocaak,

³⁹Heshbon neh a khocaak, Jazer neh a khocaak kho pali boeih,

⁴⁰Levi huiko lamkah aka cul Merari ca rhoek kah a huiko khopuei boeih te kho hlai nit la hmulung loh a nan pah.

⁴¹Israel ca rhoek khohut lakli ah Levi khopuei rhoek he a pum boeih la a khocaak rhoek neh kho sawmli parhet lo.

⁴²Tekah kho rhoek te khopuei khopuei kah a kaep a vai ah kho tom boeih ham a khocaak khaw a om pa uh.

⁴³A napa rhoek taengah paek ham a caeng khohmuen boeih te BOEIPA loh Israel taengah a paek tih a pang uh dongah a khuiah kho a sak uh.

⁴⁴A napa rhoek taengah boeih a caeng vanbangla a kaep a vai ah BOEIPA loh a duem sak tih a mikhmuh ah a thunkha khuikah hlang pakhat long khaw a pai thil moenih. A thunkha boeih te BOEIPA loh amih kut ah a paek.